ءبىر كۇندە ميللياردەر بولدى: قاراپايىم جىگىت د ن ق تەستىن جاساتىپ، اريستوكراتتىڭ ۇلى ەكەنىن ءبىلدى
ەگەر جىگىت ءوزىنىڭ مۇراسىن ساتقىسى كەلسە، ول 50 ميلليون فۋنت، ياعني 24149000000 تەڭگە پايدا كورەدى. ءبىراق، ونداي اقشا وعان ازىرگە قاجەت بولمايتىن سياقتى. سەبەبى، الپاۋىت قوجالىققا قوسا دجوردان اپتا سايىن 482980 تەڭگە الىپ وتىرادى.
ءبىر ساتتە ميللياردەر اتانعان دجوردان، اريستوكرات چارلز رودجەرستىڭ ءوزىنىڭ تۋعان اكەسى ەكەنىن بۇرىننان سەزىپ ءجۇردى. 18 جاسار ءجاسوسپىرىم كەزىندە، ول چارلزدان ءوزىنىڭ اكەسى ەكەنىن انىقتاۋ ءۇشىن سىناق جاساتۋى سۇرايدى. ءبىراق، اريستوكرات وعان قولىن سىلتەي سالىپ، جىگىتكە بارلىق ماسەلەلەردى ادۆوكات ارقىلى شەش دەپ، قايتارىپ جىبەرەدى. ول كەزدە دجورداننىڭ مۇنىمەن اينالىسۋعا شاماسى دا بولماي، ول كەرى شەگىنۋگە ءماجبۇر بولادى.
الداعى بىرنەشە جىلدا جاس جىگىت سول ساۋالدى تاعى قويىپ، اريستوكراتقا حات جولدايدى. ءبىراق، بۇل جولى دا ونى ەشكىم ەلەمەيدى. سوندا اشۋلانعان جىگىت بارلىق ماسەلەنى ءوز قولىنا الۋدى شەشىپ، د ن ق- تەستكە تاپسىرىس بەرەدى. جانە ول دجورداننىڭ اريستوكراتتىڭ بالاسى ەكەنىن كورسەتتى. ال ءبىراز ۋاقىتتان كەيىن چارلزدىڭ ادۆوكاتتارى ونىڭ ۇلى دجوردانعا حابارلاسادى. سويتسە، 62 جاستاعى اريستوكرات ەسىرتكىنى شامادان تىس قابىلدايمىن دەپ، قايتىس بولىپ كەتكەن ەكەن.
«بارلىعى ماعان وسىنداي بايلىققا يە بولىپ، جولىڭ بولدى دەيدى. ءبىراق، مەن اكەمدى جاقسى ءبىلۋ ءۇشىن بۇل بايلىقتىڭ ءبارىن بەرەر ەدىم.. . ەگەر ءبىز بىرگە بولعان بولساق، وندا ول ءۇشىن ءبارى باسقاشا بولار ەدى» ، - دەيدى دجوردان ەدلارد- رودجەرس.
ەندى دجوردان جۇمىسىن تاستاۋدى جوسپارلاپ وتىر، ءبىراق ول تاكاپپار بريتاندىق اريستوكرات بولعىسى كەلمەيدى. ول ءوزىنىڭ قايدان شىققانىن ۇنەمى ەستە ساقتاپ جۇرەتىنىن ايتادى. ال ءوزىنىڭ ەسەپسىز بايلىعىن ءومىرىن جاقسارتۋعا جانە قايىرىمدىلىققا جۇمساۋدى جوسپارلاپ وتىر. ويتكەنى ءبارىنىڭ دە ول سياقتى جولى بولعان ەمەس.