الماتىلىقتار ءۇشىن زاڭگەرلىك كەڭەس تەگىن بولادى

 الماتى. قازاقپارات - الماتىدا قالالىق قوعامدىق دامۋ باسقارماسىنىڭ تاپسىرىسى بويىنشا تۇرعىندارعا اقىسىز زاڭگەرلىك كومەك ۇيىمداستىرۋ جوباسى قولعا الىندى، دەپ حابارلايدى قازاقپارات ءتىلشىسى.

اقىسىز كەڭەستى قازاقستاننىڭ جەتەكشى زاڭگەرلەرى بەرەتىن بولادى. ولار تۇرعىندارعا پاتەر يەلەرى كووپەراتيۆى، تۇرعىن ءۇي قاتىناسى، مەنشىك قۇقىعىن قورعاۋ، يپوتەكا، الەۋمەتتىك قامسىزداندىرۋ، مۇلىك ساۋداسى، وتباسىلىق قاتىناستار بويىنشا كاسىبي زاڭنامالىق كومەك بەرەتىن بولادى.

 «زاڭگەرلەر ازاماتتارعا ءوز قۇقىقتارى تۋرالى اقپارات بەرىپ قانا قويماي، وتباسى مەن جەكە باس ەركىندىگىن قورعاۋ بويىنشا دا كەڭەس بەرەدى. قۇجات دايىنداۋ بويىنشا دا ادىستەمەلىك كومەك ۇسىنىلادى» - دەيدى «التەرناتيۆا» مەدياتسيا جانە بىتىمگەرشىلىك ورتالىعى» قوعامدىق بىرلەستىگىنىڭ پرەزيدەنتى اننا دانيلينا.

 سونداي- اق، زاڭگەرلەردەن قۇرالعان توپ تۇرعىنداردىڭ ءوتىنىشى بويىنشا ءتيىستى مەكەنجايلارعا شىعىپ، كومەك كورسەتپەك. اتالمىش قىزمەت تۋرالى تولىق مالىمەتتى الەۋمەتتىك جەلىلەردە #zan_kenesy حەشتەگى ارقىلى تابۋعا بولادى.