18:51, 21 - مامىر 2019 | GMT +6
ەكەۋى دە تۇرا الماي قالدى: بوكسشىلار ءبىر مەزگىلدە ءبىر- ءبىرىن نوكداۋنعا جىبەردى
نۇر - سۇلتان - قازاقپارات - عالامتوردا ەكى بوكسشىنىڭ ءبىر مەزگىلدە ءبىر- ءبىرىن نوكداۋنعا جىبەرگەنى تۇسىرىلگەن ۆيدەو پايدا بولدى.
جەكپە- جەك 10 - مامىردا گولليۆۋدتاعى قوناق ۇيلەردىڭ بىرىندە وتكەن. امەريكالىق بوكسشىلار دجەرحەد فەندەرسون مەن يروسۆاني ديۋۆەرگەل راۋندتاردىڭ بىرىندە ءبىر مەزگىلدە ءبىر- بىرىنە سوققى جاساپ ەدى، ەكەۋى دە تەپە- تەڭدىكتى ساقتاي الماي، ەسەڭگىرەپ قالدى.
ديۋۆەرگەل ارقانعا قۇلاپ، كوپ ۇزاماي ورنىنان تۇردى. ال فەندەرسون سوققىدان كەيىن وزىنە كەلە الماي، ەدەندە قارسىلاسىنان دا ۇزاق جاتتى.