مەملەكەت باسشىسى قوستانايداعى جاستار فورۋمىنا قاتىستى
قاسىم- جومارت توقايەۆ قوستاناي وبلىسىنا جۇمىس ساپارى بارىسىندا قازاقستان- رەسەي جاستارىنىڭ حالىقارالىق فورۋمىنا قاتىستى. كورشىلەس ەكى ەلدىڭ بەلسەندى جاستارى باس قوسقان القالى جيىن كەشە جاڭا اشىلعان جاستار سارايىندا باستالدى.
فورۋم بارىسىندا «ۇلتتىق ەرىكتىلەر جەلىسى» ۇيىمىنىڭ ءتورايىمى ۆەرا كيم 2020 -جىلدى ەرىكتىلەر جىلى دەپ جاريالاۋدى ۇسىندى.
ونىڭ ايتۋىنشا، ەلدە 200 دەن استام ەرىكتىلەر ۇيىمى تىركەلگەن.
«قازاقستاندا ەرىكتىلەر قوزعالىسى جاقىندا عانا پايدا بولدى. ءبىز مۇنى ەلدەگى اۋقىمدى ءىس- شارالارمەن بايلانىستىرامىز. وسى ۋاقىت ىشىندە ءبىز ەرىكتىلەردىڭ وزىندىك جوبالارىن جاسادىق. بۇعان مەملەكەت جاقسى قولداۋ ءبىلدىرىپ كەلەدى. سول سەبەپتى كەلەسى جىلدى ەرىكتىلەر جىلى دەپ جاريالاۋدى ۇسىنامىن» ، - دەدى ۆ. كيم.
بۇدان وزگە، مەملەكەت باسشىسىنا «Mensenemin» ، «Qazaqstansulary» اكسياسى تانىستىرىلدى. فورۋم بارىسىندا ءوڭىر جاستارى جۇزەگە اسىرىپ جاتقان ىلكىمدى جوبالار جونىندە ايتىلدى. ءبىرقاتار بەلسەندى جاس ءسوز الىپ، وبلىستا جاستاردىڭ كاسىپكەرلىكپەن اينالىسۋىنا، ءبىلىم الۋىنا، جۇمىسقا ورنالاسىپ، تابىس تابۋىنا مۇمكىندىك بار ەكەنىن تىلگە تيەك ەتتى. ماسەلەن، رۋدنىي يندۋستريالىق ينستيتۋتىنىڭ 2-كۋرس ستۋدەنتى نۇرجان ابىكەنوۆ سمارت اياق كيىمىن جاساپ شىعارعان. ازىرشە، ءوندىرىس سالاسىندا عانا كيۋگە ارنالعان «اقىلدى» اياق كيىمنىڭ ۇلتاراعى ارنايى قۋاتتاندىرعىشپەن جىلىتىلادى.
«سسكوب» اق- دا كەنشىلەر 500 مەتر تەرەڭدىكتە جۇمىس ىستەيدى. مۇنداي تەرەڭدىكتە تاباننان سۋىق تەز وتەدى. ءبىز ويلاپ تاپقان سمارت اياق كيىم كەنشىنىڭ اياعىن ءبىر تاۋلىك بويى جىلى ۇستاي الادى. نەگىزى، «اقىلدى» اياق كيىم قىتايدا دا بار، ءبىراق قىمبات. كەمىندە - 15 مىڭ تەڭگە. ال ءبىزدىڭ سمارت اياق كيىمدەردىڭ قۇنى - 5500 تەڭگە» ، - دەيدى ونەرتاپقىش جىگىت.
ەسكە سالايىق، قازاقستان- رەسەي جاستارىنىڭ فورۋمى بارىسىندا وتكىزىلگەن سەنبىلىككە ق ر اقپارات جانە قوعامدىق دامۋ ءمينيسترى داۋرەن ابايەۆ قاتىستى.
بۇگىن قاسىم- جومارت توقايەۆ جۇمىس ساپارىمەن قوستاناي وبلىسىنا كەلدى.