15:10, 22 - مامىر 2019 | GMT +6
قازاقتىڭ اقباس سيىرى
نۇر-سۇلتان. قازاقپارات - قازاقتىڭ اقباس سيىرى - ەت باعىتىنداعى تۇقىم.
قازاقستان مەن ر س ف س ر-دىڭ وڭتۇستىك-شىعىس اۋداندارىندا قالماق جانە جەرگىلىكتى سيىرلاردى گەروفورد تۇقىمىمەن بۋدانداستىرىپ، ءۇشىنشى ۇرپاق بۋداندارىن ءبىرىڭعاي ءوسىرۋ ارقىلى شىعارىلدى.
جەكە تۇقىم رەتىندە 1950 -جىلى قابىلداندى.
جايىلىمعا جاقسى، تەز ەت الادى. ىستىق-سۋىققا ءتوزىمدى. دەنەسى ىقشام، سۇيەگى بەرىك. سيراعى قىسقا، ءتورتباق، موينى قىسقا، جۋان، جوندى، كەۋدەسى كەڭ، ءتوسى سالىڭقى. شوقتىعىنىڭ بيىكتىگى 124-125 س م، تۇرقى 152-156 سم، جىلىنشىلىگىنىڭ ورامى 18-20 س م. جايىلىمدا سەمىرتىلگەن وگىزشەلەردىڭ سويىس شىعىمى %63-67. شىعىس قازاقستان، سەمەي، ورال وبلىستارىنىڭ شارۋاشىلىقتارىندا اۋدانداستىرىلعان.