تۇركى كەڭەسىنىڭ باس حاتشىسى باعداد امىرەيەۆ رەجەپ تايىپ ەردوعانمەن كەزدەستى
باس حاتشى باعداد امىرەيەۆ تۇركى كەڭەسىنىڭ جۇرگىزىپ جاتقان جۇمىسى مەن 2019 -جىلى 3 - قازاندا ازەربايجاندا وتەتىن جانە ناحچىۆان كەلىسىمىنە قول قويىلۋىنىڭ 10 جىلدىعىن اتاپ وتەتىن تۇركى كەڭەسىنىڭ 7- سامميتىنە دايىندىق بارىسى مەن سامميت اياسىندا ۇيىمداستىرىلاتىن ءىس- شارالار تۋرالى حابارلادى.
باعداد امىرەيەۆ تۇركيانىڭ تۇركى كەڭەسى مۇشە مەملەكەتتەرىنىڭ بارلىق سالالارىندا جان- جاقتى ىنتىماقتاستىققا قوسقان ۇلەسى مەن بەلسەندى قاتىسۋى ءۇشىن، سونداي- اق كەڭەستىڭ جۇمىسىنا ۇزدىكسىز قولداۋ كورسەتكەنى ءۇشىن رەجەپ تايىپ ەردوعانعا العىسىن ءبىلدىردى.
باس حاتشى باعداد امىرەيەۆ جاقىندا قۇرىلعان ورتاق تۇركى ساۋدا- ونەركاسىپ پالاتاسى تۋرالى جانە ورتاق ينۆەستيتسيالىق قور قۇرۋعا بايلانىستى سوڭعى وزگەرىستەر تۋرالى باياندادى. امىرەيەۆ بۇدان بولەك ەردوعانعا بۋداپەشت قالاسىندا تۇركى كەڭەسىنىڭ وكىلدىگىن اشۋ، كەڭەسكە مۇشە ەمەس ەلدەرمەن جانە حالىقارالىق ۇيىمدارمەن قارىم- قاتىناستار، سونداي- اق تۇركى كەڭەسىنىڭ وڭتايلاۋ جانە رەفورمالاۋ ۋدەرىسى تۋرالى حابارلادى.
تۇركيا ءاردايىم تۇركى الەمىنە باسىمدىق بەرەتىنىن اتاپ وتكەن پرەزيدەنت ەردوعان، تۇركى كەڭەسىنىڭ باستامالارى مەن جۇمىستارىنا جانە 2018 -جىلى قىركۇيەك ايىندا چولپون- اتا قالاسىندا وتكەن تۇركى كەڭەسىنىڭ سامميتىندە قابىلدانعان شەشىمدەردىڭ ورىندالۋىنا ريزاشىلىق ءبىلدىردى.
تۇركيا پرەزيدەنتى تۇركى كەڭەسىنىڭ باستامالارى مەن جۇمىستارى، باۋىرلاس تۇركى تىلدەس مەملەكەتتەرمەن جانە باسقا دا مۇشە ەمەس ەلدەرمەن قارىم- قاتىناستاردى دامىتۋ، سونداي- اق باسقا دا حالىقارالىق ۇيىمدارمەن ىنتىماقتاستىقتى كەڭەيتۋ، ونىڭ ىشىندە يسلام ىنتىماقتاستىعى ۇيىمىنا (ي ى ۇ) باقىلاۋشى مارتەبەسىنە يە بولۋىنا كورسەتكەن تولىققاندى قولداۋدىڭ ودان ءارى جالعاساتىنىنا سەنىم بىلدىردى.
ەردوعان تۇركى كەڭەسى، تۇركپا، تۇركسوي، تۇركى اكادەمياسى، تۇركى مادەنيەتى مەن مۇراسى قورى سياقتى تۇركى ىنتىماقتاستىق ۇيىمدارىنىڭ رەفورمالاۋ ۇدەرىسىنە قاتىستى پىكىرىن بىلدىردى.
ايتا كەتەرلىگى، كەزدەسۋگە تۇركى كەڭەسىنىڭ باس حاتشىنىڭ ورىنباسارى ومەر كودجامان مەن جوبا ديرەكتورى الي چيۆيللەر دە قاتىستى.