+7 (701) 759 90 19 Лента
10 °С : استانا
18 °С : الماتى
USD 384.05 EUR 432.79
RUB 5.96 CNY 55.46
جاڭالىقتار

جازعى دەمالىس: ەكى بالانى ۇشاقپەن تەگىن الىپ جۇرۋگە بولادى

21 مامىر 14:37 229
:ءبولىسۋ
جازعى دەمالىس: ەكى بالانى ۇشاقپەن تەگىن الىپ جۇرۋگە بولادى

نۇر- سۇلتان. قازاقپارات - مادەنيەت جانە سپورت ءمينيسترى ارىستانبەك مۇحامەدي ۇلى جازعى دەمالىس كەزىندە بالالارعا تەگىن اۋە ساپارى قالاي جولعا قويىلعالى وتىرعانىن ءمالىم ەتتى، دەپ حابارلايدى قازاقپارات ءتىلشىسى.

«ءبىز قازىرگى ۋاقىتتا وسى باعىتتاعى مەملەكەتتىك باعدارلامانى ەنگىزىپ جاتىرمىز. سودان كەيىن ونىڭ بەكىتىلۋىن كۇتىپ، تۋريستىك باعىتتاعى زاڭعا ەنگىزەمىز. بۇل وتە پايدالى جۇمىس. ماسەلەن، ەگەر بۇل زاڭ كۇشىنە ەنسە، اۋە ساپارىنا شىققان ءبىر ادام ءوزى ءۇشىن بيلەتكە تولەپ، 15 جاسقا دەيىنگى ەكى بالاسىن تەگىن اپارا الار ەدى»، - دەيدى ارىستانبەك مۇحامەدي ۇلى ۇكىمەت وتىرىسىنان كەيىن تىلشىلەردىڭ سۇراعىنا جاۋاپ بەرە وتىرىپ.

سونىمەن قاتار، ول ءوز سوزىندە بۇل وزگەرىستەر تەك ەل ىشىندەگى رەيستەرگە قاتىستى ەكەنىن اتاپ ءوتتى.

«ءبىزدىڭ وتانداستارىمىز شەتەلگە دەمالۋعا ۇشىپ كەتپەۋى ءۇشىن وسى جۇمىستى قولعا الىپ جاتىرمىز. سوندا عانا اقشامىز ەل ىشىندە قالار ەدى. شارتتى تۇردە ايتقاندا ءبىز 1 تەڭگە جۇمساپ، 6,5 تەڭگەنى ۇنەمدەپ قالار ەدىك»، - دەيدى مينيستر.

ەسكە سالا كەتسەك، ارىستانبەك مۇحامەدي ۇلى بۇگىنگى ۇكىمەت وتىرىسىندا «1+2» سحەماسىمەن (ءبىر اتا- انا ءۇشىن ەكى بالا) «KIDS GO FREE» قاعيداتى بويىنشا بالالارعا ارنالعان تەگىن اۆيا مارشرۋتتاردى سۋبسيديالاۋ جوسپارلانىپ وتىرعانىن حابارلاعان ەدى.

اۆتور: ايان بەكەن ۇلى


:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
مۇراعات