شەتەلدىك عالىمداردى قازاقستاننىڭ اۋا رايى تاڭعالدىردى
بۇل تۋرالى قازاقستاننىڭ بيولوگيالىق الۋان تۇرلىلىگىن ساقتاۋ قاۋىمداستىعىنىڭ Facebook-تەگى پاراقشاسىندا جازىلدى. قازاقستان، بولگاريا، ۇلى بريتانيا، جانە ليتۆا عالىمدارىنىڭ قاتىسقان شارا 9-18 - مامىر ارالىعىندا وتكەن بولاتىن.
قازاقستاننىڭ « قىزىل كىتابىنا» ەنگىزىلگەن قىزىلجەمساۋلى قاراشاقازدارعا بەلگى سالۋ جۇمىستارى «قاۋىپسىز ۇشۋ جولى» دەپ اتالاتىن حالىقارالىق جوبا اياسىندا جۇزەگە اسىپ وتىر. سونىڭ ارقاسىندا قازاقستاندا العاش رەت وسى تۇقىمعا جاتاتىن 10 قۇسقا بەلگى سالىنىپ، تىركەۋگە الىندى.
«مۇنداي ءتاسىل قۇستاردىڭ ايالداۋ ورىندارىن انىقتاۋعا جانە ول اۋماقتاردا تىرشىلىك ارەالىن جاقسارتۋعا مۇمكىندىك بەرەدى»، - دەلىنگەن قاۋىمداستىقتىڭ اقپاراتىندا.
شاراعا قاتىسقان عالىمداردى بارىنەن بۇرىن مۇنداعى قۇبىلمالى اۋا رايى تاڭعالدىرعان.
«العاشقى كۇندەرى 35 گرادۋس ىستىق بولسا، سوڭعى كۇندەرى اۋا تەمپەراتۋراسى مينۋس 2 گرادۋسقا دەيىن تومەندەدى. جاڭبىر مەن ەكپىندى جەل ءتىپتى جوسپاردى وزگەرتۋگە ءماجبۇر ەتتى. قاتتى داۋىلدا قاراشاقازدار ارالدار مەن تىنىق ورىنداردى ىقتاپ، ازىقتانۋعا شىقپاي قالادى. سوعان قاراماستان 17 قۇس ۇستاپ، ونىڭ 10-ىنا سپۋتنيكتىككە بەلگى بەرەتىن قۇرال ورناتتىق» - دەيدى اتالمىش شاراعا قاتىسۋشى الەكسەي تيموشەنكو.
اۆتور: ەسىمجان ناقتىباي