نۇر-سۇلتان مەن شىمكەنت ەڭ باقىتتى قالالار تىزىمىندە كوش باستادى

نۇر-سۇلتان. قازاقپارات - قازاقستاندا بۇكىل ەل بويىنشا باقىت دەڭگەيىن انىقتاۋ ءۇشىن ارنايى زەرتتەۋ جۇرگىزىلدى.

رەيتينگ دەنساۋلىق، ەڭبەك ەتۋ بوستاندىعى، جەمقورلىققا دەگەن كوزقاراس، مەديتسينا، ءبىلىم جانە ت. ب. قۇندىلىقتارعا نەگىزدەلدى دەپ جازادى KAZ. NUR. KZ.

2019-جىلى زەرتتەۋگە بارلىعى 156 ەل قاتىستى. باقىتتى ەلدەردىڭ ۇزدىك بەستىگىنە فينليانديا، دانيا، نورۆەگيا، يسلانديا جانە گوللانديا كىردى.

ستراتەگيالىق باستامالار ورتالىعىنىڭ دەرەكتەرى بويىنشا قازاقستان الەمدە 60-ورىنعا يە بولدى.

سونىمەن بىرگە، نۇر-سۇلتان ەلىمىزدەگى ەڭ باقىتتى قالا بولىپ شىقتى. ەكىنشى ورىن شىمكەنتكە بۇيىرسا، ءۇشىنشى ورىن - اقمولا وبلىسىنا تيەسىلى ەكەن.

باقىتتى تۇرعىندار دەڭگەيى بويىنشا الماتى 17 قالانىڭ ىشىندە 14- ورىنعا يە بولدى.

ەڭ تومەنگى كورسەتكىشتى قاراعاندى وبلىسى يەلەندى.

رەيتينگ بىرنەشە كورسەتكىشتەرگە نەگىزدەلدى. الەۋمەتتىك تولەمدەر ءبىلىم بەرۋ، مەديتسينا، اۋىز سۋ جانە تاعى باسقالارى، مەملەكەتتىك قىزمەتتەر، حالىقتىڭ دەنساۋلىعى، قازاقستاندىقتاردى تۋىستارىنىڭ قولداۋى، ءىس-قيمىل ەركىندىگى جانە قايىرىمدىلىق جاساۋ مۇمكىندىگى.