اسقار مامين بالالاردىڭ جازعى دەمالىسى بويىنشا جول كارتاسىن ازىرلەۋدى تاپسىردى
«بالالاردىڭ دەمالىسىن ۇيىمداستىرۋ - ماڭىزدى ماسەلە. ول اربىرىمىزگە قاتىستى. قاراعاندى، الماتى، پاۆلودار وبلىستارىندا بالالاردىڭ دەمالىسى جوعارى دەڭگەيدە جوسپارلانعان. بۇل جەرلەردە بالالاردىڭ دەمالىسىن ۇيىمداستىرۋ ماسەلەسى تولىعىمەن شەشىلگەن. اتالمىش جۇمىسقا ءتيىستى دەڭگەيدە كوڭىل بولمەگەن وڭىرلەر دە بار. اتىراۋ جانە تۇركىستان وبلىستارىندا وسى باعىتتا ناقتى شارالاردى ۇيىمداستىرۋى ءتيىس. اكىمدىكتەر مەن مەتسەناتتاردى بۇل شاراعا بەلسەنە اتسالىسۋعا شاقىرۋ قاجەت»، - دەدى پرەمەر-مينيستر ۇكىمەت وتىرىسىندا.
اسقار مامين بالالاردى باي تاريحىمىزبەن، سالت-داستۇرىمىزبەن تانىستىرۋ ءۇشىن تاقىرىپتىق كەزدەسۋلەر مەن شارالاردىڭ سانىن، ساپاسىن ارتتىرۋ قاجەتتىگىن اتاپ ءوتتى.
«جالپى، ءبىلىم جانە عىلىم مينيسترلىگىنىڭ ۇسىنىستارىن قولدايمىن. ب ع م جانە جەرگىلىكتى اتقارۋشى ورگاندارعا ساناتوريلەر مەن تۋريستىك نىسانداردىڭ، ۇلتتىق ساياباقتاردىڭ جانىندا مىڭعا دەيىن جازۋ-وقۋ ورتالىقتارىن اشۋ، سونىمەن قاتار جۇمىس ىستەمەيتىن نىسانداردى قايتا جوندەۋ ماسەلەلەرىن تالقىلاۋدى تاپسىرامىن. كۇلاش نوعاتاي قىزىنا ءتيىستى جول كارتاسىن دايىنداۋدى تاپسىرامىن. ءوڭىر اكىمدىكتەرى بالالاردىڭ دەمالىسىن بارىنشا جوعارى دەڭگەيدە ۇيىمداستىرۋى كەرەك»، - دەدى اسقار مامين.