+7 (701) 759 90 19
8 °С : نۇر-سۇلتان
15 °С : الماتى
USD 389.98 EUR 434.01
RUB 6.10 CNY 55.04
جاڭالىقتار

قازاقستاندا بالالارعا ارنالعان تەگىن تۋريستىك پويىز شىعارۋ ۇسىنىلدى

21 مامىر 11:43
:ءبولىسۋ
قازاقستاندا بالالارعا ارنالعان تەگىن تۋريستىك پويىز شىعارۋ ۇسىنىلدى

نۇر-سۇلتان. قازاقپارات - قازاقستاندا 2020-جىلدان باستاپ بارلىق وڭىرلەرگە تەگىن «بالالاردىڭ تۋريستىك پويىزى» جوباسىن ىسكە قوسۋ جوسپارلانۋدا.

بۇل جوبانى ۇكىمەتكە مادەنيەت جانە سپورت ءمينيسترى ارىستانبەك مۇحامەدي ۇلى ۇسىنىپ وتىر، دەپ حابارلايدى قازاقپارات ءتىلشىسى.

«بالالار مەن جاس وسپىرىمدەر تۋريزمىندە ىشكى كوشى-قون اعىنىنىڭ وڭ سەرپىنىن جاساۋ ءۇشىن راستايتىن قۇجاتتى ۇسىنعان جاعدايدا «1+2» سحەماسىمەن (ءبىر اتا-انا ءۇشىن ەكى بالا) «KIDS GO FREE» قاعيداتى بويىنشا بالالاردىڭ تەگىن اۆيامارشرۋتتارىن سۋبسيديالاۋ جوسپارلانۋدا. مۇنداي تاجىريبە كەڭ حالىقارالىق تاجىريبەگە يە جانە الەمنىڭ كوپتەگەن دامىعان ەلدەردە - ۇلى بريتانيادا، كاتاردا، تايتيدە، سكانديناۆيا ەلدەرىندە قولدانىلادى»، - دەيدى مينيستر.

ارىستانبەك مۇحامەدي ۇلى 2020-جىلدان باستاپ بارلىق وڭىرلەردە تەگىن «بالالاردىڭ تۋريستىك پويىزىن» ىسكە قوسۋ جوسپارلانىپ وتىرعانىن اتاپ ءوتتى.

«باسىمدىق الەۋمەتتىك وسال وتباسىلاردان شىققان بالالارعا، ءبىلىم بايقاۋلارىنىڭ جەڭىمپازدارىنا، ۇزدىك وقۋشىلارعا جانە باسقالارعا بەرىلەدى. ودان بولەك، ەلدەگى بالالار-جاس وسپىرىمدەر تۋريزمىن دامىتۋدى بۇدان ءارى جانداندىرۋ ءۇشىن ۇكىمەت جانىنداعى ءتيىستى ۇيلەستىرۋشى كەڭەستى قۇرۋ قاجەت. وسى ورايدا، مۇددەلى مەملەكەتتىك ورگاندار مەن ۇيىمدارعا قازاقستان رەسپۋبليكاسى ۇكىمەتىنىڭ جانىنداعى بالالار-جاس وسپىرىمدەر تۋريزمىن دامىتۋ ماسەلەلەرى جونىندەگى كوميسسيانى قۇرۋعا كومەك كورسەتۋ جونىندە تاپسىرما بەرۋىڭىزدى سۇرايمىز»، - دەدى ۇكىمەت باسشىسىنا ارىستانبەك مۇحامەدي ۇلى.


باستى سوزدەر: بيلئك جانة ساياسات,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات