ۋكراينانىڭ بۇرىنعى پرەزيدەنتى مەملەكەتكە ساتقىندىق جاسادى دەپ ايىپتالۋدا

نۇر-سۇلتان قازاقپارات - ۋكراينانىڭ بۇرىنعى پرەزيدەنتى ۆيكتور يانۋكوۆيچتىڭ اكىمشىلىگى باسشىسىنىڭ ورىنباسارى قىزمەتىن اتقارعان اندرەي پورتنوۆ پەتر پوروشەنكوعا قارسى ارىز تاستالعانىن ايتتى.

بۇل تۋرالى ول ءوز Telegram ارناسىندا حابارلاپ، قۇقىق قورعاۋ ورگاندارىنا جىبەرىلگەن قۇجاتتاردىڭ كوشىرمەسىن جاريالادى دەپ حابارلايدى KAZ. NUR. KZ.

پورتنوۆتىڭ سوزىنشە، ۆلاديمير زەلەنسكي رەسمي تۇردە پرەزيدەنت اتانعان سوڭ پەتر پوروشەنكو پرەزيدەنتتىك دەربەس قۇقىعىنان ايىرىلعان. سوندىقتان، ونىڭ ۇستىنەن ارىز تاستاۋعا مۇمكىندىك بار.

بۇل - ولاردىڭ ءبىرىنشى ارىزى. ول مەملەكەتتىك تەرگەۋ بيۋروسىنا كەلىپ تۇسكەن.

«ءبىز ونى (پوروشەنكو-رەد) مەملەكەتكە ساتقىندىق جاساۋعا قاتىستى ءارى مەملەكەتتىك بيلىكتى باسىپ الىپ، ءوز لاۋازىمى مەن قىزمەتتىك قۇزىرەتىن اسىرا پايدالاندى دەپ ەسەپتەيمىز»، - دەدى يانۋكوۆيچ اكىمشىلىگى جەتەكشىسىنىڭ بۇرىنعى ورىنباسارى.

ايتا كەتەيىك، 20- مامىر كۇنى شوۋمەن ۆلاديمير زەلەنسكيي انت قابىلداپ، رەسمي تۇردە ۋكراينا پرەزيدەنتى اتاندى.