10:27, 21 - مامىر 2019 | GMT +6
لەففلەر گولوۆكين مەن «كانەلو» كەلىسسوزدەرى تۋرالى جاڭا مالىمدەمە جاسادى
نۇر-سۇلتان. قازاقپارات - قازاقستاندىق كاسىپقوي بوكسشى گەننادي گولوۆكيننىڭ پروموۋتەرى توم لەففلەر مەكسيكالىق ساۋل الۆارەسپەن ءوتۋى مۇمكىن ءۇشىنشى جەكپە-جەك تۋرالى پىكىر ءبىلدىردى، دەپ حابارلايدى قازاقپارات Sports.kz-كە سىلتەمە جاساپ.
«گەننادي DAZN- مەن كەلىسىمشارتقا وتىرعان. ويتكەنى بۇل «كانەلومەن» ءۇشىنشى جەكپە-جەك وتكىزۋدىڭ ەڭ قولايلى جولى. تيتۋلدار اسا ماڭىزدى دەپ ويلامايمىن، گولوۆكين دە، «كانەلو» دا ءدال قازىر كەز كەلگەن بەلبەۋدەن جوعارى. «كانەلو» Madison Square Garden ارەناسىندا جەلتوقساندا جەكپە-جەك وتكىزدى. گولوۆكين دە وسىندا جەكپە-جەكتەرىن وتكىزەدى. مەنىڭشە، ءۇشىنشى جەكپە-جەك ەكونوميكالىق جاعىنان ءتيىمدى. ونىڭ وتەتىن جەرى كەلىسسوزدەردىڭ ماڭىزدى بولىگى بولادى. ويتكەنى ەندى گولوۆكين لاس-ۆەگاستا جۇدىرىقتاسۋعا مىندەتتى ەمەس»، - دەيدى لەففلەر.