قازاقتىڭ ءبىرتۋار ءانشىسى «امىرە» فيلمى ەكى بىردەي كينوفەستيۆالگە قاتىسىپ جاتىر

الماتى. قازاقپارات - قازاقتىڭ تەنور داۋىستى ءبىرتۋار ءانشىسى امىرە قاشاۋبايەۆتىڭ عۇمىرىن باياندايتىن «امىرە» كوركەم فيلمى مامىر ايىندا ەكى بىردەي فەستيۆالگە قاتىسىپ جاتىر، دەپ حابارلايدى قازاقپارات.

«قازاق فيلم» كينوستۋدياسىنىڭ مالىمەتىنشە، فيلم ا ق ش- تا 8-26- مامىر ارالىعىندا ءوتىپ جاتقان Washington Jewish Film Festival جانە  ۇلى بريتانيادا 27-30- مامىر ارالىعىندا وتەتىن Carmarthen Bay Film Festival كينوفەستيۆالدەرىنە قاتىسادى.

فيلمدى مادەنيەت جانە سپورت مينيسترلىگى تاپسىرىسى بويىنشا ش. ايمانوۆ اتىنداعى «قازاق فيلم» ا ق جانە ءاليدار وتەمۇراتوۆتىڭ «Dar Play» كومپانياسىمەن بىرلەسە تۇسىرگەن. كارتينانىڭ رەجيسسەرى دجەفف ۆەسپا.

باستى رولدەردى وتاندىق اكتەرلەر سانجار ماديەۆ (امىرە) جانە ەركەبۇلان دايىروۆ (مۇستافا شوقاي) سومداعان. سونىمەن قاتار، «ەببينگا، ميسسۋري شەكاراسىنداعى ءۇش بيلبورد»، «جەتى جارىمەس» جانە «روبوكوپ» فيلمدەرى ارقىلى تانىلعان اۋستراليالىق اكتريسا ەببي كورنيش (Abbie Cornish) تۇسكەن.

«امرە» فيلمى كوپتەگەن حالىقارالىق فەستيۆالدەرگە قاتىسىپ جاتقانىنا، ونىڭ ىشىندە ا ق ش پەن  ۇلى بريتانيادا كورسەتىلەتىنىنە وتە قۋانىشتىمىن. فيلم كوپشىلىكتىڭ كوڭىلدەرىنەن شىعىپ جاتىر، ونى كورەرمەندەردىڭ اسەرىنەن بىردەن بايقاۋعا بولادى. سوندىقتان دا، امىرەنىڭ عاجاپ داۋىسىن بۇكىل الەم ەستۋى كەرەك دەپ ويلايمىن»، - دەدى فيلمنىڭ رەجيسسەرى دجەفف ۆەسپا.

ايتا كەتسەك، بىلتىر «امىرە» فيلمى ءبىرقاتار حالىقارالىق كينوفەستيۆالدەرگە قاتىسىپ، بەدەلدى ناگرادالارعا يە بولدى.

اتاپ ايتساق، بۇل فيلم لوس-اندجەلەستە وتكەن Hollywood Film Festival فەستيۆالىندە «Silver Screen Prize» جانە «Global Grand Jury Prize» سىيلىقتارىمەن، سونداي-اق  ۇلى بريتانيادا وتكەن Manchester International Film Festival فەستيۆالىندە «ۇزدىك قويۋشى سۋرەتشى» جانە ا ق ش- تا وتكەن WorldFest Houston فەستيۆالىندە REMI Platinum award جۇلدەسىمەن ماراپاتتالدى.

 سونداي-اق جاقىندا عانا «امىرە» فيلمى Richmond International Film & Music Festival  كينوفەستيۆالىندە ەكى بىردەي جۇلدەگە يە بولدى: «ۇزدىك وقيعالى فيلم» جانە فيلمدە باستى ءرولدى سومداعان سانجار ءمادي «ۇزدىك اكتەر».