حۋاۋي قازاقستانداعى اندرويد پايدالانۋشىلارىنا قىزمەت كورسەتۋدى جالعاستىرادى
« Huawei كومپانياسى Android-تىڭ دۇنيە ءجۇزى بويىنشا دامۋىنا ۇلكەن ەڭبەك ءسىڭىردى. Android-تىڭ نەگىزگى سەرىكتەستەرىنىڭ ءبىرى رەتىندە ءبىز ولاردىڭ اشىق پلاتفورماسىمەن تۇتىنۋشىلارعا، سونداي- اق، تۇتاس وندىرىسكە قاجەتتى ەكوجۇيەنىڭ دامۋىنا ىقپال ەتپەكشىمىز. كومپانيا Huawei مەن Honor پلانشەتتەرى مەن سمارتفوندارىنىڭ قاۋىپسىزدىك جۇيەسى جانە ساتىلىمنان كەيىنگى قىزمەت كورسەتۋلەرىنە ارنالعان جاڭارتۋلاردى جەتكىزۋدى جالعاستىرا بەرەدى»، - دەلىنگەن Huawei Technologies Kazakhstan كومپانياسىنىڭ فەيسبۋكتەگى رەسمي پاراقشاسىندا.
كومپانيا Huawei- ءدىڭ دۇنيەجۇزىندەگى تۇتىنۋشىلارى ءۇشىن قاۋىپسىز جانە تۇراقتى باعدارلامالار ازىرلەۋدى جالعاستىرا بەرەتىنىن مالىمدەدى.
ايتا كەتەيىك، Google باسشىلىعى ا ق ش- تىڭ ساۋدا مينيسترلىگى قىتايلىق كومپانيانى قارا تىزىمگە ەنگىزۋ تۋرالى شەشىم قابىلداعاننان كەيىن Huawei Technologies-پەن سەرىكتەستىكتەن باس تارتقان بولاتىن.
بۇل ءوز كەزەگىندە Huawei- ءدىڭ Android وپەراتسيالىق جۇيەلەرىنە ەنۋ مۇمكىندىگىنەن ايرىلادى دەگەندى بىلدىرەدى، ال سمارتفونداردىڭ كەلەسى سەريالارىندا Google Play Store جانە Gmail قوسىمشالارى بولمايدى.
Google كومپانياسىنىڭ رەسمي وكىلىنىڭ ايتۋىنشا، بۇل شەشىمنىڭ Huawei بۇعان دەيىن ساتقان سمارتفوندارىنا قاتىسى جوق. ولار بۇرىنعىداي Google قوسىمشالارىن جۇكتەپ، ولاردى ۇدايى جاڭارتا الادى.
«ءبىز بۇيرىققا سايكەس ارەكەت ەتىپ، ونىڭ سالدارىن زەردەلەپ جاتىرمىز. Google Play قوسىمشاسى Google Play Protect قورعانىسى قولدانىستاعى Huawei قۇرىلعىلارىندا جۇمىس ىستەي بەرەدى» - دەيدى رەسمي وكىل.
مۇنداي قادام Huawei كومپانياسىنا قىتاي اۋماعىنان تىس جەرلەردە سمارتفون ءوندىرۋ بيزنەسىنە كەدەرگى كەلتىرۋى مۇمكىن.
« Huawei - ءدىڭ الداعى ۋاقىتتا شىعاتىن Android-تا جۇمىس ىستەيتىن سمارتفوندارى Google Play Store, Gmail جانە YouTube سياقتى تانىمال رەسۋرستارىن اشا المايدى. Huawei ءۇشىن Android- ءتىڭ تەك جالپىعا ارنالعان جۇكتەمەلەرى عانا قولجەتىمدى بولادى»، دەلىنگەن Reuters اقپاراتىندا.