قازاقستاندىق جەڭىل اتلەتتەر تايلاندتا ءۇشىنشى «التىن» جەڭىپ الدى

نۇر-سۇلتان. قازاقپارات - قازاقستاندىق جەڭىل اتلەت پولينا يۆانوۆا  «Thailand Open Track & Field 2019»  حالىقارالىق تۋرنيرىندە التىننان القا تاقتى، دەپ حابارلايدى قازاقپارات Olympic.kz سايتىنا سىلتەمە جاساپ.

پولينا سىرىقپەن سەكىرۋدەن 18 جاسقا دەيىنگى سپورتشىلار اراسىندا باق سىنادى. ول 3,70 مەتردى باعىندىرىپ، جارىس جەڭىمپازى اتاندى.

ايتا كەيىك، بۇعان دەيىن ماريا وۆچيننيكوۆا (ءۇش قارعىپ سەكىرۋ) مەن ەليزاۆەتا ماتۆەيەۆا (بيىكتىككە سەكىرۋ) اتالعان تۋرنيردە التىن مەدال يەلەنگەن بولاتىن.

بانگكوك استاناسىندا 18- مامىر كۇنى باستالعان  «Thailand Open Track & Field 2019»  تۋرنيرى 21- مامىرعا دەيىن جالعاسادى.

اشىق چەمپيوناتقا 17 مەملەكەت پەن 4 كاسىبي كلۋب قاتىسۋدا. ەل نامىسىن قورعاۋعا اتتانعان جەڭىل اتلەتتەر: يۆان يۆانوۆ (يادرو لاقتىرۋ، 21- مامىر)، ماريا وۆچيننيكوۆا (ءۇش قارعىپ سەكىرۋ، 19- مامىر)، ەليزاۆەتا ماتۆەيەۆا (بيىكتىككە سەكىرۋ، 19- مامىر)، پولينا يۆانوۆا (سىرىقپەن سەكىرۋ، 20- مامىر) سپورتشىلار جەڭىل اتلەتيكانىڭ 22 تۇرىنەن سىنعا تۇسەدى.