+7 (701) 759 90 19
-24 °С : نۇر-سۇلتان
-9 °С : الماتى
USD 383.95 EUR 429.26
RUB 6.16 CNY 55.02
جاڭالىقتار

دۇنيەجۇزىلىك بوكس قاۋىمداستىعى شۇمەنوۆتىڭ چەمپيوندىق تيتۋلىنا قاتىستى رەسمي اقپارات تاراتتى

21 مامىر 08:42
:ءبولىسۋ
دۇنيەجۇزىلىك بوكس قاۋىمداستىعى شۇمەنوۆتىڭ چەمپيوندىق تيتۋلىنا قاتىستى رەسمي اقپارات تاراتتى

نۇر-سۇلتان. قازاقپارات - قازاقستاندىق كاسىپقوي بوكسشى بەيبىت شۇمەنوۆتىڭ (18-2، 12 ك و) فرانسيالىق ارسەن گۋلاميريانمەن (24-0، 16ك و) جەكپە-جەگى نە سەبەپتى وتپەگەندىگى بەلگىلى بولدى، دەپ حابارلايدى قازاقپارات.

ۆكونتاكتە الەۋمەتتىك جەلىسىندەگى «قازاقستاننىڭ كاسىپقوي بوكسى» پاراقشاسىنداعى اقپاراتقا سايكەس، دۇنيەجۇزىلىك بوكس قاۋىمداستىعى (WBA) ب. شۇمەنوۆتىڭ چەمپيوندىق تيتۋلىنا قاتىستى ماسەلەگە تۇسىنىك بەردى.

ايتا كەتسەك، بيىلعى جىلدىڭ باسىندا WBA شۇمەنوۆكە ءبىرىنشى اۋىر سالماقتاعى الەمنىڭ «ۋاقىتشا» چەمپيونى تەگى ارميان فرانسيالىق ارسەن گۋلاميريانمەن ايقاس وتكىزۋدى مىندەتتەدى. پروموۋتەرلىك ساۋدا-ساتتىقتى شۇمەنوۆتىڭ وكىلى دون كينگ جەڭىپ الدى. گۋلاميرياننىڭ باپكەرى ابەل سانچەس The Ring Digital-عا تاياۋدا بەرگەن سۇحباتىندا قازاقستاندىق بوكسشىنىڭ كەزەكتى جاراقاتىنا بايلانىستى جەكپە-جەك وتپەۋى مۇمكىندىگىن ايتقان بولاتىن.

وسىعان قاتىستى WBA- ءدىڭ رەسمي سايتىندا كەلەسىدەي اقپارات ورنالاستىرىلدى. «بەيبىت شۇمەنوۆ 2018-جىلدىڭ 7- شىلدەسىندە حيزني التۋنكايدى جەڭىپ، ۆاكانتتى تيتۋلدى يەلەندى. 2019-جىلدىڭ 28- قاڭتارىندا چەمپيوندىق كوميتەت شۇمەنوۆ-گۋلاميريان تيتۋلدىق جەكپە-جەگى وتەتىندىگى تۋرالى حابارلادى. Don King Productions ساۋدا-ساتتىقتى جەڭىپ الدى جانە ايقاس 11-مامىرعا جوسپارلانعان ەدى. 2019-جىلدىڭ 10- مامىرىندا Don King Productions شۇمەنوۆ دەنساۋلىق جاعدايى بويىنشا دا، فيزيكالىق تۇرعىدا دا ءوز تيتۋلىن قورعاي المايتىنىن، سونداي-اق سوڭعى بىرنەشە ايدا جاتتىعۋ وتكىزۋگە جانە بوكسپەن اينالىسۋعا دەنساۋلىعى مۇمكىندىك بەرمەگەنىن ءمالىم ەتتى. وسىعان سايكەس، شۇمەنوۆتى «ۋاقىتشا دەمالىستاعى چەمپيون» دەپ اتاپ وتەمىز»، - دەلىنگەن وندا.

شۇمەنوۆ-گۋلاميريان كەزدەسۋىنە قاتىستى ساۋدا-ساتتىقتى قازاق بوكسشىسىنىڭ پروموۋتەرى جەڭىپ العانى تۋرالى بۇعان دەيىن جازعان بولاتىنبىز.

«ساۋدا-ساتتىقتا 821 مىڭ ا ق ش دوللارىن ۇسىنعان شۇمەنوۆتىڭ پروموۋتەرى دون كينگ جەڭىسكە جەتتى. بۇل، گۋلاميريان ۇسىنعان تاراپتىڭ سوماسىنان 200 مىڭعا كوپ. WBA ەرەجەسى بويىنشا، سىياقى شۇمەنوۆتىڭ پايداسىنا 55 كە 45 پايىزدىق قاتىناستا ۇلەستىرىلەدى. وسىلايشا، بەيبىت بۇل ايقاس ءۇشىن 451550 ا ق ش دوللارىن، ال ونىڭ قارسىلاسى - 369450 دوللار الادى. ساۋدانىڭ ەڭ تومەنگى مولشەرلەمەسى 200 مىڭ دوللار بولدى»، - دەلىنگەن ەدى «قازاقستاننىڭ كاسىپقوي بوكسى» پاراقشاسىنداعى اقپاراتتا.


باستى سوزدەر: سپورت,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات