قىرعىزستان پرەزيدەنتى قازاقستان سىرتقى ىستەر ءمينيسترىن قابىلدادى
ەلىمىزدىڭ سىرتقى ساياسي ۆەدومستۆوسىنىڭ باسپا ءسوز قىزمەتىنەن ءمالىم ەتكەندەي، ب. اتامقۇلوۆ قازاقستان ءۇشىن قىرعىزستان ەڭ جاقىن كورشى ەكەنىن اتاپ ءوتتى. «قازاقستاننىڭ تۇڭعىش پرەزيدەنتى - ەلباسى نۇرسۇلتان نازاربايەۆ قازاقستان مەن قىرعىزستان باۋىرلاس حالىقتار ەكەنىن ءاردايىم ايتادى. ءبىز تاتۋ كورشىلىك پەن دوستىقتا ءومىر سۇردىك، ارامىزدا ەشقاشان شەكارالار بولعان ەمەس»، - دەدى ول.
قازاقستان س ءى م باسشىسى قازاقستان-قىرعىز ءوزارا ءىس-قيمىلىنىڭ دامۋىنداعى وڭ ديناميكانى اتاپ ءوتتى. بۇعان جىلى ءارى دوستىق قارىم-قاتىناس قالىپتاسقان قىرعىزستان سىرتقى ىستەر ءمينيسترى چينگيز ايداربەكوۆپەن جەمىستى جۇمىس سەپتىگىن تيگىزۋدە. ال بۇل ءبىرقاتار ماسەلەلەردى جەدەل شەشۋگە مۇمكىندىك بەرەدى.
بۇگىنگى س ءى م اراسىنداعى كەلىسسوزدەر بارىسىندا ەكىجاقتى ىنتىماقتاستىقتىڭ، وڭىرلىك جانە حالىقارالىق كۇن ءتارتىبىنىڭ وزەكتى ماسەلەلەرى تالقىلاندى. قوس ەل اراسىنداعى قاتىناستاردى ودان ءارى نىعايتۋ، قوردالانعان ماسەلەلەردى شەشۋ بويىنشا ۋاعدالاستىقتارعا قول جەتكىزىلدى.
تاراپتار 2020-جىلعا قاراي ەكىجاقتى ساۋدانى 1 ميلليارد ا ق ش دوللارىنا دەيىن ۇلعايتۋ جونىندەگى مەملەكەتتەر باسشىلارى قويعان مىندەتتەردى ىسكە اسىرۋدا بەلسەندى جۇمىس اتقارۋدا. وسى تۇرعىدا قازاقستان-قىرعىز ۇكىمەتارالىق كەڭەسىنىڭ ءتيىمدى جۇمىسى اتاپ ءوتىلدى.
قىرعىزستان پرەزيدەنتى س. جەەنبەكوۆ ەلباسى نۇرسۇلتان نازاربايەۆتىڭ جوعارى بەدەلىن ەرەكشە اتاپ ءوتتى. «سىزدەردىڭ كوشباسشىڭىز نۇرسۇلتان ءابىش ۇلىنىڭ دانالىعى بۇكىل الەمگە تانىمال، ونى كوپتەگەن مەملەكەتتەردىڭ باسشىلارى وتە قۇرمەتتەيدى»، - دەدى قىرعىز پرەزيدەنتى. سونىمەن قاتار ول مەملەكەت باسشىسى قاسىم-جومارت توقايەۆتى بەدەلدى ساياساتكەر رەتىندە اتاپ ءوتتى. س. جەەنبەكوۆ قازاقستان حالقىنا پرەزيدەنت سايلاۋىن جاقسى وتكىزۋدى تىلەدى.
بۇدان بولەك ول قازاقستان قىرعىزستاننىڭ سىرتقى ساياساتىنداعى نەگىزگى ارىپتەستەرىنىڭ ءبىرى بولىپ تابىلاتىنىن، قىرعىز تاراپى بارلىق باعىتتار بويىنشا ىنتىماقتاستىقتى ودان ءارى تەرەڭدەتۋگە مۇددەلى ەكەنىن اتاپ ءوتتى. قازاقستان مەن قىرعىزستانعا ەكونوميكالىق وڭىرلىك كووپەراتسيانى دامىتۋ جانە ەكىجاقتى ساۋدا اينالىمىن ۇلعايتۋ بويىنشا جاڭا جولداردى قاراستىرۋ قاجەت.
كەزدەسۋ بارىسىندا حالىقارالىق قۇرىلىمدار مەن قاۋىمداستىقتاردىڭ، اتاپ ايتقاندا شاڭحاي ىنتىماقتاستىق ۇيىمى (ش ى ۇ) شەڭبەرىندەگى ءوزارا ءىس-قيمىل ماسەلەلەرى تالقىلاندى. قازاقستان قىرعىزستاننىڭ ش ى ۇ- عا تابىستى ءتوراعالىق ەتۋىنە جوعارى باعا بەردى، ونىڭ شەڭبەرىندە بەلسەندى جۇمىس جۇرگىزىلۋدە.