+7 (701) 759 90 19 Лента
18 °С : استانا
22 °С : الماتى
USD 384.05 EUR 432.79
RUB 5.96 CNY 55.46
جاڭالىقتار

دانيا استاناسى كەپتەلىستەن قالاي قۇتىلدى؟

21 مامىر 03:35 224
:ءبولىسۋ
دانيا استاناسى كەپتەلىستەن قالاي قۇتىلدى؟

 نۇر-سۇلتان. قازاقپارات - تەمىر تۇلپار سانىنىڭ جىل ساناپ ارتۋى 21- عاسىرداعى ءىرى قالالاردىڭ باستى ماسەلەسى بولىپ تۇر.

جولداعى بىتپەيتىن كەپتەلىس -  ادام كوڭىل-كۇيىنە اسەر ەتەدى، جۇمىسقا كەشىگۋىڭىزگە سەبەپ، التىننان دا قىمبات ۋاقىتىڭىزدى ۇرلايدى سونىمەن بىرگە، ەڭ باستىسى جاھاندىق جىلۋعا ءوز ۇلەسىن قوسادى. ماسكەۋ، نيۋ-يورك، توكيو، سان-پاۋلۋ... بۇلاردىڭ بارلىعى ءبىز ايتىپ وتكەن كەپتەلىس زاردابىن تارتاتىن قالالار.

مىسالى، 2018 -جىلدىڭ قورىتىندىسى بويىنشا، جولداعى كەپتەلىستەر كوشىن باستاعان -  رەسەيدىڭ ماسكەۋ قالاسى بولدى. ساراپشىلاردىڭ ايتۋىنشا، ماسكەۋلىك ءبىر جۇرگىزۋشى ءبىر جىل ىشىندە كەپتەلىستىڭ كەسىرىنەن 210 ساعاتىن جوعالتادى. جۇزدەگەن ماماندار، گەوۋربانيستيكا ساراپشىلارى قالا ءومىرىن جايلى، ساپالى، باستىسى كولىك قوزعالىسىن ازايتۋ جانە قالا ادامدارىنىڭ تازا اۋامەن تىنىس الۋىن قامتاماسىز ەتۋ ماقساتىندا ءتۇرلى تاجىريبەلەر وتكىزۋدە. مىنە، وسىنداي قاجەتتىلىكتەردىڭ ارقاسىندا قالاداعى كەپتەلىس ماسەلەسىن شەشكەن ءىرى قالالاردىڭ ءبىرى دانيا استاناسى -  كوپەنگاگەن.


دانيا استاناسى كەپتەلىستەن قالاي قۇتىلدى؟

«قالا ءومىرى تەز ارەكەت ەتۋگە ارنالعان، ۆەلوسيپەدپەن ءجۇرىپ جۇمىس بىتىرە المايسىز» دەسەڭىز قاتەلەسەسىز. دانيا ۇكىمەتى مەملەكەت استاناسى تۇرعىندارىن قاراپايىم ۆەلەسيپەدپەن جۇرۋگە ۇيرەتتى. اتالمىش قالادا كارى قۇرلىقتىڭ باسقا قالالارىنا قاراعاندا ۆەلوسيپەدپەن جۇرەتىندەر وتە كوپ.

مىسالى، قىتايدا ۆەلوسيپەدتى «ءسۇيۋ» قارجىلىق جاعدايعا بايلانىستى ومىرگە كەلگەن بولسا، دانيا ازاماتتارى ەكى اياقتى ترانسپورتتى تاڭەرتەڭ جاتتىعۋلاردى ورىنداۋ ءھام ءبىر مەزگىلدە جۇمىسقا تەز جەتىپ الۋ ءۇشىن قولدانادى.

جانە ولار جاھاندىق جىلىنۋدىڭ الدىن الۋدى دا ويلايدى. بۇلاردىڭ بارلىعى ەل ۇكىمەتىنىڭ ماشينالاردى ۆەلوسيپەدكە اۋىستىرۋ باعدارلاماسى بويىنشا ارنايى جۇزەگە اسىرىلعان.


دانيا استاناسى كەپتەلىستەن قالاي قۇتىلدى؟

كوپەنگاگەندە ۆەلوسيپەدشىلەر مەن ولاردىڭ جولىنا ۇلكەن ءمان بەرىلەدى. ولار ءۇشىن بۇكىل قالا بويىنشا جول ءجۇرۋ تارماعى مەن توقتايتىن بەكەتتەرى سالىنعان. سول ارقىلى قالانىڭ كەز كەلگەن بۇرىشىنا قاۋىپسىز جەتە الاسىز. ەل استاسىنداعى ۆەلوسيپەدشىلەر جۇرەتىن جولدىڭ جالپى ۇزىندىعى 400 شاقىرىمعا جاقىن.

بۇدان باسقا مەترودا ۆەلوسيپەدشىلەر ءۇشىن ارنايى ۆاگون دا بار. قالانىڭ كەيبىر ورتالىق كوشەلەرىنە كولىك كىرۋگە تىيىم سالىنعان بولسا، ەسەسىنە ۆەلوسيپەدپەن جۇرۋگە بولادى. ستاتيستيكا بويىنشا، دانيا استاناسى حالقىنىڭ 50 پايىزى جۇمىسقا جەتىپ الۋ ترانسپورتى رەتىندە ۆەلوسيپەدتى تاڭدايدى ەكەن.

قاراپايىم ۆەلوسيپەدتەن بولەك، بۇل قالادا جۇك ۆەلوسيپەدى، جانۇيالىق ۆەلوسيپەد، ادام تاسۋشى ۆەلوسيپەد، كۋرەر ۆەلوسيپەدتەرى كەڭ تاراعان. ءتىپتى قالالاداعى ءتارتىپ ساقشىلارى دا ەكى اياقتى ترانسپورت قىزمەتىنەن پايدالانادى. ءبىراق مۇنداي دارەجەگە جەتۋ ءۇشىن ەل ۇكىمەتى ءبىراز تەر توكككەن، ارنايى زاڭدار قابىلداعان، ەلدە جەكە كولىككە يەلىك ەتەتىندەرگە قارسى سالىق كولەمىن كوتەرگەن.


دانيا استاناسى كەپتەلىستەن قالاي قۇتىلدى؟

Massaget.kz


باستى سوزدەر: الةم,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
مۇراعات