ەلباسى «نازاربايەۆ ۋنيۆەرسيتەتىنىڭ» پرەزيدەنتى شيگەو كاتسۋدى قابىلدادى

 نۇر- سۇلتان. قازاقپارات - ەلباسى «نازاربايەۆ ۋنيۆەرسيتەتى» دەربەس ءبىلىم بەرۋ مەكەمەسىنىڭ پرەزيدەنتى شيگەو كاتسۋدى قابىلدادى، دەپ حابارلادى ق ر تۇڭعىش پرەزيدەنتى - ەلباسىنىڭ باسپا ءسوز قىزمەتى.

كەزدەسۋدە قازاقستاننىڭ تۇڭعىش پرەزيدەنتىنە «نازاربايەۆ ۋنيۆەرسيتەتىنىڭ» قازىرگى دامۋ بارىسى جانە جوعارى وقۋ ورنىنىڭ تۇلەكتەرىنە بەسىنشى رەت ديپلوم تاسىرۋ راسىمىنە دايىندىق جۇمىستارى تۋرالى مالىمدەلدى.

- بىزدە حالىقارالىق دەڭگەيدەگى ۋنيۆەرسيتەت بولادى دەگەنگە كوبىسى سەنبەپ ەدى. مىنە، كوپ جىلدان بەرى وسىنداي ۋنيۆەرسيتەتتىڭ رەكتورىسىز. جوعارى وقۋ ورنىنىڭ زياتكەرلىك الەۋەتى - وقۋ ورنىنىڭ دەڭگەيىن كوتەرىپ جاتقان عالىمدار بار. «نازاربايەۆ ۋنيۆەرسيتەتى» قازاقستاننىڭ برەندىنە اينالدى، - دەدى ەلباسى.

كەزدەسۋ قورىتىندىسى بويىنشا نۇرسۇلتان نازاربايەۆ ءبىرقاتار تاپسىرما بەردى.