+7 (701) 759 90 19
3 °С : نۇر-سۇلتان
11 °С : الماتى
USD 389.81 EUR 430.27
RUB 6.06 CNY 54.91
جاڭالىقتار

قوستاناي وبلىسىندا جاڭا تراكتور سەحى ىسكە قوسىلدى

20 مامىر 19:31
:ءبولىسۋ
قوستاناي وبلىسىندا جاڭا تراكتور سەحى ىسكە قوسىلدى

قوستاناي. قازاقپارات - «اگروماشحولدينگ KZ» ا ق قوستاناي وبلىسىندا قىتايلىق «Lovol» كومپانياسىنىڭ سەرىكتەستەرىمەن بىرگە تراكتور شىعاراتىن سەح اشتى، دەپ حابارلايدى قازاقپارات.

بۇل ءوندىرىس ورنى وتكەن جىلى جۇمىس ىستەي باستاعان ەدى. جوبا قۇنى - 3,6 ميلليارد تەڭگە. ال وسى جىلدىڭ العاشقى توقسانىندا كونۆەيەردەن شىققان العاشقى 28 تراكتور بىردەن ساتىلىپ كەتتى. بۇگىنگە دەيىن كاسىپورىن 100 شاقتى تراكتور قۇراستىرعان.

«بۇگىن وبلىس ءۇشىن ماڭىزدى وقيعا. ءبىز وڭىردە اۋىلشارۋاشىلىق تەحنيكالارىن قۇراستىرۋ سالاسىن دامىتۋ شەڭبەرىندە قىتايلىق ارىپتەستەرىمىزبەن بىرلەسىپ، جاڭا ءوندىرىس وشاعىن اشىپ وتىرمىز. 130 اتتىڭ كۇشىنە تەڭ تراكتورلار وبلىستا عانا ەمەس، ەلىمىزدە ۇلكەن سۇرانىسقا يە. الداعى ۋاقىتتا كاسىپورىن ءوز ونىمدەرىن ىشكى نارىقپەن قوسا، كورشى مەملەكەتتەرگە دە ەكسپورتتاۋدى جوسپارلاپ وتىر» ، - دەدى وبلىس اكىمى ارحيمەد مۇحامبەتوۆ جاڭا جوبانىڭ اشىلۋ سالتاناتىندا.

اۋىل شارۋاشىلىعى تەحنيكاسىن شىعارۋ - «اگروماشحولدينگ KZ» ا ق پەن قىتايلىق «ShandongLovolHeavyIndustryInternationalTradingCO. LTD» بىرلەسكەن جوباسى. «Lovol» - دۇنيەجۇزىندەگى اۋىلشارۋاشىلىق تەحنيكالارىن شىعارۋمەن اينالىساتىن جەتەكشى كومپانيالاردىڭ ءبىرى. ول جىل سايىن 70 مىڭ تراكتور، 50 مىڭ كومباين، باسقا دا تەحنيكالاردى قۇراستىرادى. كومپانيا ءوز ونىمدەرىن قىتايدا عانا ەمەس، الەمنىڭ 50 ەلىنە ەكسپورتتايدى.

الداعى ۋاقىتتا «اگروماشحولدينگ KZ» ا ق بازاسىندا 4,5 مىڭ شارشى مەترلىك سەح ىسكە قوسىلماق. وندا جىلىنا 3000 تراكتورعا دەيىن شىعارىلادى. جاڭا جوبا 180 ادامدى تۇراقتى جۇمىسپەن قامتيتىن بولادى.

كەلەشەكتە تراكتوردىڭ كەيبىر بولشەكتەرىن زاۋىت ءوز ىشىندە جاسايدى. بۇل ماشينا قۇراستىرۋدا ۇلكەن جەتىستىك. ءوندىرىستىڭ كەرمە ءجىبىن قياردا «Shandong Lovol Heavy Industry International Trading CO. , LTD» باسقارما ءتوراعاسى ۆان گۋي مين قازاقستاندىق ارىپتەستەرىنە العىس ءبىلدىردى.

«بۇگىنگى بىرلەسكەن جوبانى اشۋ قۇرمەتىنە يە بولعانىما اسا قۋانىشتىمىن. ءوز كەزەگىندە «كازاگروفينانس» ا ق، «برك- ليزينگ ا ق، قازاقستان ۇكىمەتى مەن قوستاناي وبلىسىنىڭ باسشىلارىنا العىس ايتامىن. ءبىز «اگروماشحولدينگ KZ» ا ق بىرلەسىپ، كومەك جۇمىس اتقاردىق» ، - دەدى ول.

ايتا كەتەيىك، بۇگىن قوستانايدا قازاقستان مەن رەسەي جاستارىنىڭ ىنتاماقتاستىق فورۋمى باستالدى.


باستى سوزدەر: قوعام, ايماق,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات