اۋا رايى: الداعى ءۇش كۇن ەلىمىزدە جاڭبىرلى بولادى

نۇر-سۇلتان. قازاقپارات - سينوپتيكتەر 21-23- مامىرعا ارنالعان اۋا رايى بولجامىن جاريا ەتتى، دەپ حابارلايدى قازاقپارات.

قازگيدرومەتتىڭ مالىمەتىنشە، قازاقستاننىڭ كوپتەگەن وبلىستارىندا جاڭبىر، نايزاعاي، كەي جەرلەردە بۇرشاق جاۋادى. سونىمەن بىرگە جىلدامدىعى سەكۋندىنا 15-25 مەتر جەل سوعىپ، سۋىتادى.

«بۇل مەتەورولوگيالىق قۇبىلىستار الدىمەن پوليارلىق، ارتىنشا اركتيكالىق سۋىق اعىنداردىڭ وتۋىنە بايلانىستى بولادى. ەلىمىزدىڭ باتىس وڭىرلەرىنە رەسەيدىڭ ەۋروپالىق بولىگىنىڭ ورتالىق ايماعىنان انتيتسيكلون جىلجىپ كەلەدى. ەلىمىزدى باسىپ وتكەن انتيتسيكلون كوشۋىنىڭ سوڭىندا سولتۇستىك، وڭتۇستىك جانە ورتالىق وبلىستاردا جاۋىن-شاشىن تىيىلادى»، دەلىنگەن حابارلامادا.