+7 (701) 759 90 19
3 °С : نۇر-سۇلتان
11 °С : الماتى
USD 389.81 EUR 430.27
RUB 6.06 CNY 54.91
جاڭالىقتار

بۇرىنعى پرەزيدەنت ءۇيىن جالعا بەردى

20 مامىر 14:10
:ءبولىسۋ
بۇرىنعى پرەزيدەنت ءۇيىن جالعا بەردى

نۇر-سۇلتان. قازاقپارات - گرۋزيانىڭ بۇرىنعى پرەزيدەنتى گەورگي مارگۆەلاشۆيلي قىزمەت وكىلەتى اياقتالعاننان كەيىن ساياساتتان كەتتى. ول ءوزى تۇرعىزعان شاعىن ءۇيدى تۋريستەرگە جالعا بەرىپ تابىس تاۋىپ وتىر. ول مەيماندارعا ءوز باقشاسىندا وسىرگەن جەمىس پەن كوكونىس ۇسىنادى.

گەورگي مارگۆەلاشۆيلي بەس جىل گرۋزيانى باسقاردى. 2013 -جىلى گرۋزيا پرەزيدەنتى بولىپ سايلانعان ول 2018 -جىلى وسى قىزمەتكە جاڭادان سايلانعان سالومە زۋرابيشۆيليگە بيلىكتى تاپسىردى. كوپشىلىك جۇرت 49 جاسىندا پرەزيدەنت قىزمەتىنەن كەتكەن مارگۆەلاشۆيلي بيلىكتەگى تاجىريبەسىن (پرەزيدەنت بولىپ سايلانعانعا دەيىن ءبىلىم ءمينيسترى بولىپ قىزمەت اتقارعان) پايدالانىپ، ساياساتتان قول ۇزبەيتىن بولار دەپ ويلاعان ەدى.


Ð

ءبىراق مارگۆەلاشۆيلي باسقا جولدى تاڭدادى. ول تبيليسيدەن سولتۇستىككە قاراي 60 شاقىرىمدا ورنالاسقان دۋشەتي كەنتىندەگى 2004 -جىلى نەبارى ەكى جارىم مىڭ دوللارعا ساتىپ العان ۇيگە قونىستاندى. ءۇيىنىڭ قاسىنان توبەسى توپىراقپەن جابىلعان شاعىن كوتتەدج سالىپ، بىرنەشە ايدان بەرى سونى گرۋزياعا قىدىرىپ كەلگەن تۋريستەرگە جالعا بەرىپ تابىس تاۋىپ وتىر. بۇعان قوسا ول مەيماندارعا ءوز باقشاسىندا وسىرگەن جەمىس پەن كوكونىس ۇسىنادى: ازەربايجان پرەزيدەنتى يلحام اليەۆ سىيلاعان انار مەن بەلارۋس پرەزيدەنتى الەكساندر لۋكاشەنكو بەرگەن كارتوپتان ءدام تاتقىزادى. ​




«پرەزيدەنتتەن» جاتىن ورىندى Airbnb نەمەسە وزگە سايتتار ارقىلى تاپسىرىس بەرىپ جالعا الۋعا بولادى. كوتتەدجدە ءبىر تۇنەپ شىعۋ 80 دوللارعا جۋىق اقشا تۇرادى. سوڭعى ەكى ايدا مۇندا ونداعان ادام توقتاعان.




بۇعان قوسا بۇرىنعى پرەزيدەنت اعاشتان ءتۇرلى بۇيىمدار جاساۋمەن اينالىسادى. ول ءوزى تۇرىپ جاتقان ءۇيدىڭ جانە قوناق تۇسەتىن كوتتەدجىنىڭ بىرنەشە جيحازىن ءوز قولىمەن جاساعان. ال بۇل تىرلىگىنەن بوس ۋاقىتى بولعاندا مارگۆەلاشۆيلي بۇرىنعىسىنشا قايتادان گرۋزيا قوعامدىق ىستەر ينستيتۋتىندا (GIPA) ءدارىس وقيدى.

مارگۆەلاشۆيلي بۇل جۇمىستاردىڭ بارلىعى كۇن كورىسى ءۇشىن ىستەۋگە تۋرا كەلگەنىن ايتادى. جاسى ءالى تولماعاندىقتان وعان زەينەتاقى تاعايىندالماعان. گرۋزيادا ايەلدەر 60 جاستان، ەر ادامدار 65 جاستان زەينەتكە شىعادى. گرۋزيا زاڭى بويىنشا، ەلدىڭ بۇرىنعى پرەزيدەنتىنە زەينەتاقى ەگەر ول جاسىنا نەمەسە دەنساۋلىعىنا بايلانىستى باسقا جۇمىسقا جارامسىز بولسا عانا تولەنەدى. سونىڭ وزىندە ونىڭ الاتىن اقشاسى پرەزيدەنت قىزمەتىندە العان جالاقىسىنان - 7,2 مىڭ لاريدەن (شامامەن 2600 دوللار) اسپاعان بولار ەدى.

مارگۆەلاشۆيليدىڭ ايەلى بۇعان دەيىن «رۋستاۆي-2» تەلەارناسىنا بەرگەن سۇحباتىندا وتباسىنىڭ «جيناعان قورى جوق» ەكەنىن ايتقان بولاتىن.


گرۋزيانىڭ بۇرىنعى پرەزيدەنتىنە تۋريستىك بيزنەس تاڭسىق ەمەس: 25 جىل بۇرىن، ۋنيۆەرسيتەتتى بىتىرگەن سوڭ ول تۋريستەرگە تاۋ ارالاتاتىن گيد بولىپ ىستەگەن.

ءبىراق قازىر ءجۇرىس- تۇرىسى ودان ازداۋ بولعانىمەن ماشاقاتى كەم ەمەس باسقا شارۋانى تاڭداپ العان.

«بۇل ءوزى ەموتسياعا كەنەلتەتىن جۇمىس. قوناقتار وزدەرىنە نە ۇناعانى نەمەسە مۇنداعى كورىنىستى، بولمەلەردىڭ قالاي بەزەندىرىلگەنى تۋرالى پىكىرلەرىن جازىپ قالدىرادى. مۇنىڭ بارلىعى ماعان قۋانىش سىيلايدى» دەيدى بۇرىنعى ساياساتكەر Reuters اگەنتتىگىنە.

قازىر مارگۆەلاشۆيلي وزىنە قوناققا كەلگەن تۋريستەردى اتپەن قىدىرتۋدى ۇيىمداستىرۋ ءۇشىن جالعا بەرەتىن ءۇيدىڭ قاسىنان ات قورا سالۋدى جوسپارلاپ وتىر. سونىمەن بىرگە شاراپ دايىندايتىن شاعىن كاسىپورىن اشسام دەگەن ويى دا بار.

گرۋزيا پرەزيدەنتى قىزمەتىندە بولعان كەزدە مارگۆەلاشۆيلي تەك ەكى رەت داۋ- دامايعا قالعان. ونىڭ ءبىرى مارگۆەلاشۆيليدىڭ وتباسى مەن قىزى اننا مارگۆەلاشۆيليدىڭ كۇيەۋى مينديا گوگوچۋريمەن بايلانىستى وقيعا بولاتىن. گوگوچۋريگە تبيليسيدە ەكى رەت قاستاندىق جاسالىپ، ول پىشاققا ءتۇسىپ، وق ءتيىپ جارالانعان. پرەزيدەنتتىڭ قىزى گرۋزين پوليتسياسى «جاقتىرماعان» ساياساتكەرلەردىڭ ۇلدارىنا «ادەيى ەسىرتكى تاستايدى» دەپ مالىمدەگەن.

گرۋزيا تۇرعىندارى بۇرىنعى پرەزيدەنتتىڭ يگى ىستەرى تۋرالى كوبىرەك بىلەدى. مىسالى، تبيليسيدى 2015 -جىلى قاتتى تاسقىن سالدارىنان تازالاۋ جۇمىستارىنا قاراپايىم ازاماتتارمەن بىرگە پرەزيدەنتتىڭ ءوزى دە قاتىسقانىن كوپشىلىك ۇمىتقان جوق.

مارگۆەلاشۆيلي وسى ايماققا قىدىرىپ كەلىپ، ودان قوناق بولمەنى جالعا الاتىن گرۋزيالىق تۇرعىنداردىڭ بۇل ءۇيدىڭ قوجايىنى كىم ەكەنىن بىلەتىنىن ايتادى. ءبىراق وسىندا تۇسەتىن شەتەلدىك تۋريستەر ادەتتە كىمنىڭ ۇيىنە كەلگەنىن ەستىگەندە قايران قالىپ جاتادى. بۇرىنعى پرەزيدەنتتىڭ ايتۋىنشا، بۇرىنعى س س س ر ەلدەرىنەن كەلگەن تۋريستەر مەملەكەتتى بەس جىل باسقارعان ادامنىڭ سۋرەتشى ايەلى جانە بالالارىمەن (وتباسىنىڭ 2015 جانە 2018 -جىلى تۋعان ەكى ۇلى بار) شالعايداعى قوس قاباتتى شاعىن ۇيدە ەشقانداي كۇزەتسىز، بايلىق پەن بيلىكتىڭ ەشقانداي ءىزى دە جوق قاراپايىم تىرشىلىك كەشىپ جاتقانىنا سەنەر- سەنبەسىن بىلمەي تاڭىرقاپ قالادى.

«ساياساتتان كەتىپ، وزگەلەرگە ۇلگى (پرەتسەدەنت) جاساۋعا تىرىستىم. ساياساتتان كەيىن دە ءومىر بارىن كورسەتكىم كەلدى» دەپ اعىنان جارىلادى ەكس- پرەزيدەنت.

بۇرىنعى ءومىرىڭىزدى اڭسامايسىز با دەگەن سۇراققا ول «مۇلدە اڭسامايمىن!» دەپ قىسقا دا نۇسقا جاۋاپ بەردى.

«ول بەس جىل اسا قاۋىرت جۇمىسقا تولى بولدى. ال قازىر مەن تىنىش، قالىپتى ءومىر سۇرۋگە تىرىسىپ جاتىرمىن» دەيدى گرۋزيانىڭ بۇرىنعى پرەزيدەنتى گەورگيي مارگۆەلاشۆيلي.

www.azattyq.org


باستى سوزدەر: الةم,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات