ءۇش جازۋشى التى جىلعا تۇرمەگە كەسىلدى

 نۇر-سۇلتان. قازاقپارات - يران سوتى ءۇش جازۋشىنى ۇلتتىق قاۋىپسىزدىككە قارسى قىلمىس جاسادى دەگەن ايىپپەن، ءاربىرىن التى جىلعا تۇرمەگە كەستى.

رەزا حاندان ماحابادي، باكتاش ابتين جانە كايۆان بادجان «مەملەكەتكە قارسى ناسيحات جۇرگىزدى»، «ۇلتتىق قاۋىپسىزدىككە قاتەر ءتوندىردى» دەپ تانىلعان. حابارلامالارعا قاراعاندا، جازۋشىلار ءىسى بويىشنا سوت پروتسەسى ساۋىردە وتكەن.

يراندا زيالى قاۋىم وكىلدەرى مەن ەل بيلىگىن سىناعاندار ءجيى سوتقا تارتىلادى.

سوتتالعان ءۇش ازامات - يران جازۋشىلار قاۋىمداستىعىنىڭ مۇشەلەرى. بيلىك بۇل ۇيىمعا قىسىپ جاساپ، مۇشەلەرىنە قوقان-لوققى كورسەتىپ، كەيبىرىن بۇعان دەيىن دە سوتتاعان.

قاۋىمداستىقتىڭ سوتتان كەيىن تاراتقان حابارلاماسىندا «بۇل - ءۇش جازۋشى مەن قاۋىمداستىققا عانا ەمەس، ويىن ەركىن جەتكىزۋدى قالايتىن بارلىق جازۋشىعا شىققان ۇكىم» دەپ جازىلعان. ۇيىم «بيلىكتىڭ ءۇش جازۋشىنىڭ كىناسىن دالەلدەيتىن ماردىمدى ايعاق ۇسىنباعانىن» ايتادى.

«ازاتتىق»