+7 (701) 759 90 19 Лента
19 °С : استانا
23 °С : الماتى
USD 382.38 EUR 428.30
RUB 5.97 CNY 55.39
جاڭالىقتار

ترامپ: بۇدان بىلاي ا ق ش- قا قوقان- لوققى كورسەتۋشى بولماڭدار

20 مامىر 12:04 327
:ءبولىسۋ
ترامپ: بۇدان بىلاي ا ق ش- قا قوقان- لوققى كورسەتۋشى بولماڭدار

نۇر-سۇلتان. قازاقپارات -  19- مامىردا ا ق ش پرەزيدەنتى دونالد ترامپ يرانعا سوعىس اشپاۋدى قاتاڭ ەسكەرتتى. ترامپ ءوزىنىڭ Twitter پاراقشاسىنا «يران سوعىسقىسى كەلسە، ءوز تۇبىنە ءوزى جەتەدى. بۇدان بىلاي ا ق ش- قا قوقان- لوققى كورسەتۋشى بولماڭدار!» دەپ جازدى ترامپ تەگەرانعا قاراتا.

ا ق ش- تىڭ مالىمدەۋىنشە، تەگەران پارسى شىعاناعىندا قايىقتارعا زىمىراندارىن ورنالاستىرىپ، بىرىككەن اراب امىرلىكتەرىنىڭ جاعالاۋىندا ءتورت كەمەنى اتقىلاعان. يران مۇنى جوققا شىعاردى.

مۇنداي جازبا جاريالاماستان بىرەر كۇن بۇرىن ترامپ ا ق ش- تىڭ يرانعا قىسىمى داۋعا ۇلاسىپ كەتكەنىن قالامايتىنىن ايتقان. 16 - مامىردا پرەزيدەنت «ا ق ش سوعىسقا دايىندالىپ جاتىر ما؟»  دەگەن جۋرناليستەر سۇراعىنا «دايىندالىپ جاتقان جوق دەپ ۇمىتتەنەمىن» دەپ جاۋاپ بەرگەن. تەگەران دا يران بيلىگىنىڭ «سوعىستى قالامايتىنىن» ايتقان.

ەكى اپتا بۇرىن ۆاشينگتون پارسى شىعاناعىنا «اۆراام لينكولن» ۇشاق تاسىعىشىن قوندىرعان. ا ق ش يرانعا قارسى 120 مىڭ اسكەري جىبەرگەلى جاتقانى جايلى دا حابار تارادى. ءبىراق ترامپ مۇنى جوققا شىعارىپ، «سارباز جىبەرۋ ازىرگە جوسپاردا جوق، ءبىراق قاجەت بولسا، مۇنان كوپ اسكەري جىبەرەمىز» دەگەن. ارتىنشا ۆاشينگتون ا ق ش- تىڭ يراكتاعى ەلشىلىگىندە ىستەيتىن قىزمەتكەرلەرىنىڭ باسىم بولىگىن «يران قاتەرىنەن سوڭ قاۋىپسىزدىك ماقساتىندا» ەۆاكۋاتسيالادى.

ۆاشينگتون مەن تەگەران اراسىنداعى بۇل داۋ يران وتكەن اپتادا 2015 -جىلعى يادرولىق كەلىسىم تالاپتارىنىڭ كەيبىرىن ورىنداۋدان باس تارتىپ، يادرولىق قارۋ دايىنداۋعا قاجەت بايىتىلعان ۋراندى قايتا وندىرە باستايتىنىن ايتقان سوڭ تۋعان. يادرولىق كەلىسىم اياسىندا ا ق ش يرانعا سانكسياسىن ازايتىپ، ەسەسىنە تەگەران يادرولىق باعدارلاماسىنان باس تارتۋى كەرەك ەدى. ءبىراق ۆاشينگتون «يران تالاپتاردى بۇزدى» دەپ بىلتىر بۇل كەلىسىمنەن شىعىپ كەتتى. ارتىنشا ترامپ تەگەرانعا سانكسيانى قايتا كۇشەيتكەن.

www.azattyq.org


باستى سوزدەر: الةم,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
مۇراعات