+7 (701) 759 90 19
3 °С : نۇر-سۇلتان
4 °С : الماتى
USD 388.96 EUR 432.21
RUB 6.09 CNY 54.99
جاڭالىقتار

اۆتوكولىكتەن ءورت شىقسا نە ىستەۋ كەرەك؟

21 مامىر 09:59
:ءبولىسۋ
اۆتوكولىكتەن ءورت شىقسا نە ىستەۋ كەرەك؟

پەتروپاۆل. قازاقپارات - اۆتوكولىكتەن ءورت شىقسا نە ىستەۋ كەرەك؟ مامانداردىڭ ايتۋىنشا، كولىك ورتا ەسەپپەن 5-10 مينۋتتىڭ ىشىندە تولىق جانىپ كەتەدى ەكەن.

سول سەبەپتى ءورت سوندىرۋشىلەر كەلگەنگە دەيىن وتتىڭ تارالۋىنا جول بەرمەۋ كەرەك. س ق و ت ج د اعا ينجەنەرى اسەم حامزينا قازاقپارات تىلشىسىنە وقىس وقيعا تۋعان جاعدايدا قانداي ارەكەتتەر جاساۋ كەرەكتىگىن ايتىپ بەردى.

سوڭعى ۋاقىتتا سولتۇستىك قازاقستان وبلىسىندا اۆتوكولىكتەن شىعاتىن ورتتەر جيىلەپ كەتكەن. تەك جىل باسىنان بەرى 36 ءورت تىركەلىپ، 3 ميلليون 150 مىڭ تەڭگە ماتەريالدىق شىعىن كەلگەن. ولاردىڭ 20 سىنان كوبى جەڭىل اۆتوكولىكتەردە، قالعاندارى جۇك تاسۋ تراۆنسپورتىندا جانە قوعامدىق كولىكتەردە بولدى.

اۆتوكولىكتەردەگى ورتتەردىڭ شىعۋىنا كوپ جاعدايدا ەلەكتر سىمدارىنىڭ تۇيىقتالۋى نەگىز بولعان.

«كولىكتىڭ ورتەنگەنىن ءسىز قالىڭ قارا ءتۇتىننىڭ شىعۋىنان بىلەسىز، ونى بىردەن جول جيەگىنە توقتاتۋ كەرەك. وتتى سىرتقى كيىممەن نەمەسە باسقا دا زاتپەن ءسوندىرىپ، ۋاقىتىڭىزدى كەتىرمەڭىز. جاراقات الۋىڭىز مۇمكىن. وتتى ءورت سوندىرگىشسىز سوندىرەمىن دەگەنىڭىز بوس اۋرەشىلىك. ەگەر وت كاپوت استىنان شىقسا، كاپوتتى قىرىنان تاياقپەن نەمەسە مونتيروۆكامەن بايقاپ اقىرىن اشۋ قاجەت. اشقان كەزدە وتە ساق بولعان ءجون، ويتكەنى وت جالىنداپ كەتۋى مۇمكىن»، - دەيدى دەپارتامەنت قىزمەتكەرى اسەم حامزينا.

كولىكتە ءورت سوندىرگىشتىڭ بولعانى اسا ماڭىزدى.

«كولىك استىنا توگىلگەن جانارمايدى ءسوندىرۋ ءۇشىن ءورت سوندىرگىشتى قولدانىڭىز. ءورت سوندىرگىشتى نەگىزىنەن قاتتى جانىپ جاتقان جەرگە باعىتتاڭىز. وتقا برەزەنت جابۋعا، قۇم، توپىراق شاشۋعا، سۋ قۇيۋعا بولادى. كولىكتىڭ قالىڭ ءورت شالعان جەرىنە پاكەتتى سۋدى كۇشپەن لاقتىرۋ دا ءتيىمدى. ءورتتى ماي بولعان نەمەسە بەنزين توگىلگەن كيىممەن سوندىرۋگە بولمايدى»، - دەيدى اعا ينجەنەر.

ونىڭ ايتۋىنشا، كولىكتىڭ قانداي تۇرىندە بولسىن ىسكە جارامدى، قىزمەت كورسەتۋ مەرزىمى شىقپاعان ۇنتاقتى ءورت سوندىرگىش (و پ-2) بولۋى مىندەتتى. بولماسا جاڭاسىن ساتىپ الۋ نەمەسە ەسكىسىن قايتا تولتىرۋ قاجەت.

«ۋاقىت وتكەن سايىن كولىكتىڭ ەلەكتر سىمدارىنىڭ جاي-كۇيىن جانە باسقا دا ءورت شىعۋ قاتەرى جوعارى تەتىكتەرىن كوزبەن قاراپ تەكسەرۋدى ۇمىتپاڭىز. قاجەت بولسا ماماندارعا جۇگىنىڭىز. بالالاردى اۆتوكولىك سالونىندا اتا-اناسىنىڭ قاراۋىنسىز قالدىرماڭىزدار. سىرەڭكەنى كولىكتە ۇستاماڭىزدار»، - دەپ ەسكەرتەدى ازاماتتىق قورعاۋ قىزمەت مايورى.


باستى سوزدەر: قوعام,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات