مىسىرداعى جارىلىستان زارداپ شەككەندەر اراسىندا قازاقستاندىقتار جوق - ق ر س ءى م
بۇل تۋرالى ق ر سىرتقى ىستەر مينيسترلىگى Telegram-كانالىندا ءمالىم ەتتى، دەپ حابارلايدى قازاقپارات.
«2019-جىلعى 19- مامىردا كاير قالاسىنداعى گيزا اۋدانىندا اۆتوكولىك جولىندا ورنالاستىرىلعان جارىلعىش قوندىرعىنىڭ جارىلىسىنان تۋريستىك اۆتوبۋس پەن بىرنەشە جەڭىل اۆتوكولىك جارىلدى. سالدارىنان شەتەلدىك تۋريستەر مەن جەرگىلىكتى تۇرعىندار زارداپ شەكتى.
مىسىر اراب رەسپۋبليكاسى ىشكى ىستەر مينيسترلىگىنىڭ قازاقستاندىق ديپلوماتتارعا بەرگەن الدىن الا اقپاراتىنا سايكەس، زارداپ شەككەندەر اراسىندا قازاقستان ازاماتتارى جوق»، - دەلىنگەن حابارلامادا.
BBC- ءدىڭ حابارلاۋىنشا، مىسىردىڭ ۇلكەن مۋزەيى ماڭىندا بولعان جارىلىستان كەم دەگەندە 16 ادام جاراقات الدى. ب ا ق- تىڭ مالىمەتىنشە، ولاردىڭ دەنى شەتەلدىك تۋريستەر.
جارىلعىش زات اۆتوبۋس مۋزەيدىڭ قورشاۋى جانىنان ءوتىپ بارا جاتقاندا ىسكە قوسىلعان. كولىكتە بارلىعى 28 جولاۋشى بولعان.