قوستانايدا «ادالدىق كىتاپحاناسى» اشىلدى

قوستاناي. قازاقپارات - قوستاناي قالاسىنىڭ مامانداندىرىلعان اكىمشىلىك سوتىنىڭ وقۋ ورتالىعى بازاسىندا «ادالدىق كىتاپحاناسى» اشىلدى، دەپ حابارلايدى قازاقپارات ءتىلشىسى.

وبلىستىق سوتتىڭ باسپا ءسوز قىزمەتىنەن ءمالىم ەتكەندەي، بۇل كىتاپحانانىڭ باستى ەرەكشەلىگى - كىتاپحاناشىسى جانە قىزمەت كورسەتەتىن ادامداردىڭ جوقتىعىندا. ال كىتاپحاناعا كەلۋشىلەر تەك قانا تىركەۋ جۋرنالىن پايدالانادى. سوت قىزمەتكەرلەرى مەن كەلۋشىلەر جۋرنالعا قول قويىپ، كىتاپتار مەن گازەت-جۋرنالداردى وقي الادى.

«كىتاپحانانى اشۋداعى ماقسات - قوعامدا سەنىم ءبىلدىرۋ اتموسفەراسىن قالىپتاستىرۋ. وسىعان ۇقساس مەحانيزم ونداعان جىلدار بويى سكانديناۆيا ەلدەرىندە قولدانىلىپ كەلەدى. جوبا تۇرعىنداردىڭ بويىندا پاراساتتىلىق جانە ادىلدىك سياقتى مورالدىق سيپاتتاردى تاربيەلەۋگە باعىتتالعان. بۇل فاكتورلار سىبايلاس جەمقورلىققا قارسى يممۋنيتەتتىڭ پايدا بولۋىنا تىكەلەي اسەرىن تيگىزەدى»، - دەلىنگەن وبلىستىق سوتتىڭ باسپا ءسوز حابارلاماسىندا.