بەس وڭىردە ۇسىك جۇرەدى: دۇيسەنبىگە ارنالعان اۋا رايى بولجامى
رەسپۋبليكانىڭ كەي ايماقتارىندا نايزاعاي، تۇمان، جەلدىڭ كۇشەيۋى، داۋىل كۇتىلەدى، بۇرشاق جاۋۋى مۇمكىن. وڭتۇستىكتە كەي جەرلەردە شاڭدى داۋىل بولجانادى، دەپ حابارلايدى قازاقپارات.
«قازگيدرومەت» ر م ك مالىمەتىنشە، الماتى وبلىسىنىڭ كەي جەرلەرىندە نايزاعاي كۇتىلەدى، تۇندە جالاڭاشكول اۋدانىندا جەل 17-22 م/س كۇشەيەدى.
شىعىس قازاقستان، قاراعاندى وبلىستارىنىڭ كەي جەرلەرىندە نايزاعاي، داۋىل بولجانادى، جەلدىڭ ەكپىنى 25 م/س ارتادى. شىعىس قازاقستان وبلىسىندا بۇرشاق جاۋۋى مۇمكىن. قاراعاندى وبلىسىندا تۇمان كۇتىلەدى.
قىزىلوردا وبلىسىنىڭ كەي جەرلەرىندە نايزاعاي، شاڭدى داۋىل كۇتىلەدى، بۇرشاق جاۋۋى مۇمكىن، جەلدىڭ كۇشى 23 م/س جەتەدى.
سولتۇستىك قازاقستان وبلىسىندا كەي جەرلەردە نايزاعاي، داۋىل بولجانادى، بۇرشاق جاۋۋى ىقتيمال، جەل 15-20 م/س كۇشەيەدى.
قوستاناي وبلىسىندا نايزاعاي، تۇمان، بۇرشاق كۇتىلەدى، كۇندىز كەي جەرلەردە جەل 15-20 م/س جىلدامدىقپەن سوعادى.
اقمولا وبلىسىندا كەي جەرلەردە نايزاعاي، تۇمان كۇتىلەدى، جەل 15-20 م/س كۇشەيەدى.
جامبىل، تۇركىستان وبلىستارىندا تاڭەرتەڭ جانە كۇندىز كەي جەرلەردە نايزاعاي وينايدى، جەل 15-20 م/س ارتادى.
جامبىل وبلىسىندا داۋىل تۇرىپ، بۇرشاق جاۋۋى مۇمكىن.
كۇندىز پاۆلودار وبلىسىندا كەي جەرلەردە نايزاعاي، بۇرشاق كۇتىلەدى، جەلدىڭ ەكپىنى - 18 م/س.
كۇندىز اقتوبە وبلىسىنىڭ كەي جەرلەرىندە جەل 15-20 م/س كۇشەيەدى.
اقمولا، سولتۇستىك قازاقستان، اقتوبە، قاراعاندى، باتىس قازاقستان وبلىستارىنىڭ كەي جەرلەرىندە ۇسىك كۇتىلەدى - 1-3 گرادۋس.
قىزىلوردا، تۇركىستان وبلىستارىنىڭ جەكەلەگەن اۋماقتارىندا جوعارى ءورت قاۋپى ساقتالادى.