15:38, 19 - مامىر 2019 | GMT +6
ايەلدەر اراسىنداعى كاسىبي فۋتبولشىلار سانى ەكى ەسەگە ارتقان
نۇر-سۇلتان. قازاقپارات - UEFA- نىڭ ەۋروپاداعى بولىمشەسى ايەلدەر فۋتبولىن دامىتۋ بويىنشا بەس جىلعا ارنالعان ستراتەگيانى تانىستىردى. ماقسات - 2024 -جىلعا دەيىن نازىكجاندى اياقدوپشىلاردىڭ سانىن ۇلعايتۋ.
ناقتىراق ايتقاندا، ۋ ە ف ا- مەن وداقتاس 55 ۇيىمنىڭ قۇرامىنداعى ويىنشىلار سانىن 2,5 تريلليونعا جەتكىزۋ كوزدەلىپ وتىر.
وسىلايشا، ايەلدەر اراسىنداعى ەۋروپالىق بىرىنشىلىك پەن چەمپيوندار ليگاسىنىڭ بەدەلىن ارتتىرماق نيەتتە. ياعني حالىقارالىق دەڭگەيدەگى تەڭبىل دوپ شەبەرلەرىنە ءتيىستى ستاندارتتار ەنگىزىپ، سپورتشىلاردىڭ ءال- اۋقاتىن جاقسارتۋ جوسپارلانىپ وتىر. سونداي- اق نازىك جاندى سپورتشىلاردىڭ مۇددەسىن قورعايتىن مامانداردى كوپتەپ تارتۋ قولعا الىنادى. جالپى ايەلدەر اراسىنداعى كاسىبي فۋتبولشىلار سانى 2017 -جىلدان بەرى ەكى ەسەگە ارتقان.