بالاڭىز تەرەزەدەن قۇلاپ كەتپەس ءۇشىن نە ىستەۋ كەرەك
«قالادا بالالاردىڭ جاراقات الۋى مەن ولىمىنە اكەلىپ سوعاتىن نەگىزگى سەبەپتەردىڭ ءبىرى - تەرەزەدەن قۇلاۋ جاعدايىنا بايلانىستى. كوپ جاعدايدا 2 جاستان 7 جاسقا دەيىنگى بالالار تەرەزەدەن قۇلاۋ ءقاۋىپ- قاتەرىنە ءجيى ۇشىرايدى. بۇل جاستاعى بالالار تەرەزە الدىندا ويناۋدىڭ قانشالىقتى ءقاۋىپتى ەكەنىن تۇسىنەتىن جاستا ەمەس»، - دەدى قۇتقارۋشىلار.
ستاتيستيكا كورسەتكەندەي، كوبىنەسە بالالاردىڭ قۇلاۋى ولاردىڭ اتا- اناسىنىڭ قاراۋىنسىز قالۋى جانە جانىنداعى ەرەسەكتەردىڭ نەمقۇرايلىلىعى سەبەبىنەن ورىن الادى.
وسى ورايدا ماماندار قاۋىپسىزدىكتى قامتاماسىز ەتۋ ءۇشىن ءبىرقاتار ۇسىنستاردى بەردى.
اتاپ ايتقاندا، كىشكەنتاي بالالاردى بولمەدە جالعىز قالدىرماۋ ماڭىزدى. بارلىق جيھازداردى بالا تەرەزە الدىنا شىعا المايتىنداي ەتىپ، تەرەزە ماڭىنان الشاق قويۋ كەرەك.
«تەرەزەدەگى موسكيتتىك تورلارعا سەنبەڭىز. ولار قۇلاۋدان ساقتاۋعا ارنالماعان. كەرىسىنشە، موسكيتتىك تور قايعىلى جاعدايدىڭ بولۋىنا اكەلىپ سوعادى، بالالار موسكيتتىك تورلاردى قاۋىپسىز دەپ ويلايدى جانە سول تورلارعا سۇيەنەدى. ەڭ ساپالى توردىڭ ءوزى بالانىڭ سالماعى مەن قىسىمدى كوتەرە المايدى. ەگەر بالاڭىز بولمەدە بولسا، تەرەزەنى جانە بالكون ەسىگىن اشپاڭىز. جوعارعى جەلدەتكىشتەردى نەمەسە تىك جەلدەتۋ رەجيمىن پايدالانىڭىز»، - دەيدى قۇتقارۋشىلار.
بۇل تۇرعىدا بالا تەرەزەنى ءوز ەركىمەن اشا الماۋ ءۇشىن، تەرەزەلەرگە ارنايى بەكىتكىشتەر ورناتۋ قاجەت. وعان قۇلپى بار تۇتقا نەمەسە تاراق- بۇعاتتاعىش سالۋ كەرەك.
«بالالارعا قاۋىپسىزدىك ساباقتارىن، سونداي- اق ولاردىڭ ۇلكەندەرىن وزىنەن كىشى بالالارعا قاراۋعا ۇيرەتىڭىز»، - دەلىنگەن ت ج د مالىمەتىندە.
ەسكە سالا كەتەيىك، قازاقستاندا ءبىر تاۋلىكتە 3 ءبۇلدىرشىن تەرەزەدەن قۇلاپ كەتكەنى تۋرالى بۇعان دەيىن حابارلاعان بولاتىنبىز.
اۆتور: رۋسلان عابباسوۆ