+7 (701) 759 90 19
3 °С : نۇر-سۇلتان
7 °С : الماتى
USD 389.94 EUR 433.50
RUB 6.10 CNY 55.13
جاڭالىقتار

بەيتانىس ادام ارنولد شۆارتسنەگگەرگە شابۋىل جاسادى

19 مامىر 10:14
:ءبولىسۋ
بەيتانىس ادام ارنولد شۆارتسنەگگەرگە شابۋىل جاسادى

نۇر- سۇلتان. قازاقپارات - وڭتۇستىك افريكا رەسپۋبليكاسىندا ۇيىمداستىرىلعان سپورتتىق شارالاردىڭ بىرىندە بەلگىسىز ادام امەريكالىق كينواكتەر ارنولد شۆارتسنەگگەرگە شابۋىل جاسادى.

بۇل تۋرالى قازاقپارات اكتەردىڭ Facebook پاراقشاسىنا سىلتەمە جاساپ حابارلايدى.

ۆيدەودا كاليفورنيا شتاتىنىڭ بۇرىنعى گۋبەرناتورى، 71 جاستاعى اكتەر ارنولد شۆارتسنەگگەر ستاديوندا جانكۇيەرلەرىمەن سويلەسىپ تۇرعان كەزدە بەيتانىس ادام ارتىنان كەلىپ تەپكەنى بايقالادى. ال اكتەر بولسا وقيعانىڭ ءمان جايىن ۆيدەونى كورگەن سوڭ ءبىراق بىلگەن.

«الاڭداپ جاتقاندارىڭىزعا راحمەت. ءبىراق الاڭدايتىن ەشتەڭە جوق. مەنى ادەتتەگىدەي ارتىمنان ءبىر توپ ادام يتەرىپ جاتقان شىعار دەپ ويلادىم. نە بولعانىن سىزدەر سياقتى ۆيدەونى كورگەن سوڭ ءبىراق ءبىلدىم. ول اقىماق مەنىڭ سنامچاتىمدى (snapchat) ۇزبەگەنىنە قۋانىشتىمىن»، - دەپ جازدى ارنولد شۆارتسنەگگەر.

«الەۋمەتتىك جەلىدە جىلدام تاراپ كەتكەن ۆيدوجازبا و ا ر سوحاننەسبۋرگ قالاسىندا سەنبى كۇنى تۇسىرىلگەن. شابۋىل جاسالعان كەزدە اكتەر فوتوعا ءتۇسىپ تۇرعان. شارانى ۇيىمداستىرۋشىلاردىڭ ايتۋىنشا، شابۋىل جاساعان ادام پوليتسيا قولىنا تابىستالعان. ءبىراق اكتەر وعان قارسى ارىز جازۋدان باس تارتقان»، دەپ جازادى بي-بي-سي باسىلىمى.

اۆتوردىڭ ايتۋىنشا، اكتەر جانكۇيەرلەرىن بۇل وقيعانى ۇمىتىپ، وڭتۇستىك افريكا رەسپۋبليكاسىنداعى سپورت پروبلەمالارىن ويلاۋعا شاقىرعان.

«ءبىز وڭتۇستىك افريكادا ArnoldSports پلاتفورماسى اياسىندا سپورتتىڭ توقساننان استام تۇرىنە، 24 مىڭنان استام سپورتشىعا قولداۋ بىلدىرەمىز. سولار تۋرالى ويلايىق»، - دەپ جازدى ارنولد شۆارتسنەگگەر Twitter پاراقشاسىندا.

ايتا كەتۋ كەرەك، «ارنولد كلاسسيك افريكا» سپورت فەستيۆالى جىل سايىن مامىر ايىندا وتكىزىلەدى.

اۆتور: ايكۇمىس بولاتبەك


باستى سوزدەر: الةم,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات