ەلوردادا بوي كوتەرەتىن دۇنيەجۇزىلىك ساۋدا ورتالىعى قانداي بولادى
دۇنيەجۇزىلىك ساۋدا ورتالىعى عيماراتى ەكسپو قالاشىعىنىڭ ماڭىندا بوي كوتەرەدى. ونىڭ بيىكتىگى 150 مەترگە جۋىقتايدى، ال اۋماعى 2 گەكتار شاماسىندا بولادى دەپ جوسپارلانعان. جوبانىڭ قۇنى 200 ميلليون دوللاردى قۇرايدى.
نىساننىڭ ساۋلەتشى- ديزاينەرى كەننەت بريۋس دجەيمس اندەرسون. ءزاۋلىم كەشەن كەلەشەكتە قالا تۇرعىندارى مەن شەتەلدىك تۋريستەردىڭ سۇيىكتى ورنىنا اينالارى انىق. نيۋ- يورك، امستەردام، توكيو، سەۋل مەن دۋباي سىندى قالالاردا World Trade Center عيماراتىنىڭ الەمدىك جەلىلەرى بار. ەندى بۇل قالالاردىڭ قاتارىنا نۇر- سۇلتان دا قوسىلادى.
بۇكىلالەمدىك ساۋدا ورتالىقتارى قاۋىمداستىعى - حالىقارالىق، ساياسي ەمەس ۇيىم جانە حالىقارالىق ساۋدا مەن ينۆەستيتسيالاردى دامىتۋعا ىقپال ەتەتىن جاھاندىق برەندتەردىڭ ءبىرى. WTCA شتاب- پاتەرى ا ق ش- تا ورنالاسقان.
دۇنيەجۇزىلىك ساۋدا ورتالىعى جوباسىن حالىقارالىق ساۋدا ورتالىقتارى قاۋىمداستىعى مەن
«Nest Investments Holdings» كومپانياسى ۇسىنعان. نىسان تولىقتاي شەتەل ينۆەستيتسياسى ەسەبىنەن قارجىلاندىرىلادى.
ينۆەستور - «Nest Investments Holdings» كومپانياسى. بيىلعى جىلدىڭ قاڭتار ايىندا ەلباسىنا دۇنيەجۇزىلىك ساۋدا ورتالىعى جوباسى تانىستىرىلعان بولاتىن.