امەريكالىق بۋرابايدا تۋريستىك پوليتسيانىڭ اشىلۋىنا تاڭدانىس ءبىلدىردى
دەپ حابارلايدى قازاقپارات ءتىلشىسى اقمولا وبلىسىنىڭ پ د باسپا ءسوز قىزمەتىنە سىلتەمە جاساپ.
ۆەدومستۆونىڭ دەرەگى بويىنشا، جاڭا بولىمشە جۇمىسىن 17 - مامىردا باستادى. ناقتى سول كۇنى پوليتسيانىڭ ستانتسيونارلى پۋنكتى اشىلىپ، جاڭا ەلەكتروموبيلدىڭ كىلتى تاپسىرىلعان بولاتىن. پوليتسيا دەپارتامەنتىنىڭ باستىعى بەرىك ءبىلالوۆ بولىمشە جۇمىسىنا ساتتىلىك تىلەي وتىرىپ، ازاماتتارمەن قارىم - قاتىناستى جاقسارتۋعا جانە قىزمەتتىك مىندەتتى ابىرويمەن اتقارۋدى تاپسىردى.
بولىمشە قۇرامىندا 5 قىزمەتكەر بار. ولار ارنايى قىزمەتتىك كيىمدە جۇرەدى، پوليتسيا بەينەتىركەۋىش، پلانشەت، راتسيامەن جابدىقتالعان.
سونىمەن قاتار، قىزمەتكەرلەر اعىلشىن ءتىلىنىڭ جەڭىلدەتىلگەن كۋرسى، اسكەري جانە قىزمەتتىك دايارلىقتان وتكەن.
ا ق ش- تان بۋرابايعا دەمالۋعا كەلگەن دەۆيد ميللەر قازاقستاندا تۋريستىك پوليتسيا قىزمەتىنىڭ اشىلعانىنا ەرەكشە تاڭدانىس ءبىلدىردى.
«مەن الەمنىڭ كوپتەگەن ەلدەرىندە بولدىم. ءبىراقتا سىزدەردىگىدەي شەتەلدىك تۋريستەرگە دەگەن قامقورلىقتى ەش جەردە كەزدەستىرمەدىم. مەن مىندا ءوزىمدى قاۋىپسىز سەزىنەمىن»، - دەدى تۋريستىك پوليتسەيلەرمەن كەزدەسكەن دەۆيد ميللەر.
ەسكە سالا كەتۋ كەرەك، ءساۋىر ايىندا ق ر پرەزيدەنتى قاسىم- جومارت توقايەۆتىڭ قاتىسۋىمەن وتكەن ءى ءى م القا وتىرىسىندا ىشكى ىستەر ءمينيسترى ەرلان تۇرعىمبايەۆ مەملەكەت باسشىسىنا ەلىمىزدە تۋريستىك پوليتسيا قۇرىلاتىنى تۋرالى مالىمدەگەن ەدى.
تۋريستىك پوليتسيانىڭ باستى مىندەتى - كەلگەن تۋريستەر مەن قوناقتارعا قىزىقتىرعان سۇراقتار بويىنشا كەڭەستەر، اقپاراتتار بەرۋ جانە ولاردىڭ قاۋىپسىزدىگىن قامتاماسىز ەتۋ.
اۆتور: اسلان وسپانوۆ