ءاليحان بوكەيحان، ءال- فارابي، ءجۇسىپ بالاساعۇننىڭ مەملەكەتتىك باسقارۋدى ىلگەرىلەتۋدەگى ۇلەسى تۋرالى ايتىلدى
دەپ حابارلايدى قازاقپارات.
«ماراپات جانە قۇرمەت: 21 - عاسىردا مەملەكەتتىك قىزمەتشىلەردى ىنتالاندىرۋ» اتتى سەسسيانى استانا مەملەكەتتىك قىزمەت حابى ب ۇ ۇ دامۋ باعدارلاماسى جانە نازاربايەۆ ۋنيۆەرسيتەتىمەن بىرگە اەف اياسىندا ۇيىمداستىردى.
سەسسيانىڭ اشىلۋىندا استانا حابى باسقارۋشى كوميتەت ءتوراعاسى ءاليحان بايمەنوۆ «ادامزاتتىڭ ورتاق وزەكتى ماسەلەرىن شەشۋدە مەملەكەتتىك باسقارۋ ساپاسىنىڭ ورنى ەرەكشە» ەكەندىگىنە، ول «تەك مەملەكەتتىك قىزمەتشىلەردىڭ ءبىلىمى جانە بىلىگىمەن عانا ەمەس، ىنتاسىمەن دە انىقتالاتىندىعىنا» توقتالدى.
ءاليحان بايمەنوۆتىڭ ايتۋىنشا، «مەملەكەتتىك قىزمەتشىلەردىڭ جەكە باستىڭ قامىن ەمەس، مەملەكەتتىڭ، قوعامنىڭ ورتاق ماسەلەرەرىن شەشۋگە بەيىم بولۋى، ەلگە قىزمەت جاساۋعا نيەتى ەل دامۋىندا ماڭىزدى ءرول اتقارادى. وسىنى تۇسىنگەن الاش وردا ۇكىمەتىنىڭ باسشىسى ءاليحان بوكەيحانوۆ وسىدان 100 جىل بۇرىن «ۇلتقا قىزمەت - مىنەزدەن» دەگەن».
استانا حابى جەتەكشىسى ءوز سوزىندە، مەملەكەتتىك قىزمەتكەرگە قاجەت 12 قاسيەتتى ۇلى بابامىز ءارى ويشىل ءال فارابي 11 عاسىر بۇرىن انىقتاپ بەرگەنىن، ونىڭ ىشىندە ادالدىق پەن مەملەكەت ىسىنە بەرىلگەندىك شەشۋشى قۇندىلىق رەتىندە كورسەتىلگەنىن جەتكىزدى. وسى كەزەڭدە ورتالىق ازيادان شىققان فيلوسوف ءجۇسىپ بالاساعۇن 15 لاۋازىمداعى مەملەكەتتىك قىزمەتكەرلەر ءۇشىن ماڭىزدى كاسىبي بىلىكتىلىك رەتىندە ابىروي مەن ىنتانى ەرەكشە اتاعان.
جيىن بارىسىندا ون بەستەن استام ەلدىڭ، سونىڭ ىشىندە گرۋزيا، ۋكراينا، قازاقستان، قىرعىزستان، چەرنوگوريانىڭ ۋاكىلەتتى ورگاندار باسشىلارى مەن وكىلدەرى مەملەكەتتىك قىزمەتشىلەدى ىنتالاندىرۋ جولدارىن، ەڭبەكاقى تولەۋ جۇيەسىن رەفورمالاۋ، ولاردىڭ قىزمەت تيىمدىلىگىن باعالاۋ بويىنشا تاجىريبەلەرىمەن ءبولىستى.
اۆتور: قانات مامەتقازى ۇلى