+7 (701) 759 90 19
7 °С : نۇر-سۇلتان
7 °С : الماتى
USD 389.62 EUR 429.98
RUB 6.06 CNY 55.08
جاڭالىقتار

قازاقستاندى كوپتەگەن ادامدار ديماش ارقىلى تانىدى - شەتەلدەگى قازاق ءتىلدى ب ا ق-قا شولۋ

18 مامىر 09:10
:ءبولىسۋ
قازاقستاندى كوپتەگەن ادامدار ديماش ارقىلى تانىدى - شەتەلدەگى قازاق ءتىلدى ب ا ق-قا شولۋ

نۇر-سۇلتان. قازاقپارات - «قازاقپارات» ح ا ا ادەتتەگىدەي شەتەلدەگى قازاق تىلىندە تارايتىن اقپارات قۇرالدارىنا اپتالىق شولۋىن ۇسىنادى.

«كوپتەگەن ادامدار قازاقستاندى ديماش ارقىلى تانىدى» - قىتايدىڭ «ورتالىق حالىق راديوسى» (CNR)

15 -مامىردا بەيجىڭدە ازيا مادەنيەتىنىڭ كارناۆالى اشىلدى. ءىس- شاراعا تانىمال قىتايلىق جانە الەمدىك انشىلەر قاتىستى. ازيا مادەنيەتى كارناۆالىنىڭ اشىلۋ سالتاناتىندا قازاقستاندىق تانىمال ءانشى ديماش قۇدايبەرگەن ونەر كورسەتتى.

«بۇل ەلىمىز وتكىزگەن سيمۆولدىق مانگە يە حالىقارالىق سالتاناتتى شارا. الەم حالقىنىڭ ۇشتەن ەكىسى ازيادا تۇرىپ جاتىر. سول ازيادا 1000 نان استام ۇلت، 47 مەملەكەت، الۋان ءتۇرلى وركەنيەت فورماسى ءوزارا توعىسىپ، جاراسىمدى ءومىر سۇرۋدە. بۇل جولعى ازيا مادەنيەتىنىڭ كارناۆالى - ءتۇرلى تىلدە سويلەيتىن ۇلتتار مەن ۇلىستاردىڭ بىرلىگى مەن ىنتىماعىنىڭ ايعاعى ىسپەتتى...» دەپ جازدى kazakcnr.com.


Көптеген адамдар Қазақстанды Ð

سونداي-اق، اتالاعان اقپارات كوزى وسى كارناۆالدا ونەر كورسەتكەن ديماش قۇدايبەرگەننىڭ قىتايدا تانىمال بولۋى تىڭدارماندار نازارىن قازاقستانعا اۋداردى دەپ جازعان.

«ديماش ارقىلى كوپتەگەن ادامدار قازاقستان تۋرالى بىلە باستادى. ال قازاقستاندىقتار ديماش ارقىلى قىتايلىق ونەر جۇلدىزدارىمەن تانىستى. ناتيجەسىندە ەكى ەل مادەنيەتى جاقىنداسا ءتۇستى» دەيدى قىتايدىڭ «ورتالىق حالىق راديوسى».

جازبا اۆتورى ديماشتىڭ ورىنداۋىنداعى انگە باعا بەرەدى.

«مىنا ۆيدەوداعى ءاندى تاماشالادىڭىز با؟ قانداي كەرەمەت داۋىس! اسقاق اۋەن مەن ايرىقشا ورىنداۋ شەبەرلىگى تىڭداۋشىلارىن عاجاپ شاتتىققا بولەيدى. بۇل قازاقستاننىڭ تانىمال ونەر جۇلدىزى ديماش ورىنداعان «ۇمىتىلماس كۇن» دەگەن ءان» ، دەپ تۇيىندەيدى قىتايلىق باسىلىم.

«اباي» سپەكتاكلى وزبەك تىلىندە سويلەدى - «ءوزا» اقپاراتتىق اگەنتتىگى


Көптеген адамдар Қазақстанды Ð

وزبەكستان ۇلتتىق اكادەميالىق دراما تەاترىنىڭ قورى تاعى ءبىر قازاق شىعارماسىمەن تولىقتى.

14 -مامىر كۇنى وزبەك ۇلتتىق اكادەميالىق دراما تەاترىندا قازاقتىڭ ۇلى جازۋشىسى مۇحتار اۋەزوۆتىڭ شىعارماسى بويىنشا ساحنالانعان «اباي» سپەكتاكلىنىڭ پرەمەراسى ءوتتى، - دەپ جازاى وزبەكستاننىڭ «ءوزا» مەملەكەتتىك اقپاراتتىق اگەنتتىگى.

«قازاقتىڭ جازدا ادەبيەتىنىڭ نەگىزىن قالاعان اباي قۇنانباي ۇلىنىڭ شىنايى ومىرىنەن سىر شەرتەتىن ۇلى شىعارمانى قاراقالپاقستان ونەر قايراتكەرى مارات ازيموۆ ساحنالاعان. ابايدىڭ ءرولىن وزبەكستاننىڭ حالىق ءارتىسى ياكۋب احمەدوۆ سومداعان. قازاقشادان ءتارجىمالاعان ناسىر فازيلوۆ»، - دەپ جازدى وزبەكستاندىق باسىلىم.


1557733727_cc489bcc-7c85-4cc6-8691-3ef65b94ba32.jpg

1557733734_bfa044f2-606f-40f9-9980-11d7c693d3ed.jpg

1557743129_aba_0005.jpg

1557743168_aba_0008.jpg


تەھراندا حالىقارالىق قۇران كورمەسى اشىلدى - «فارس» اقپارات اگەنتتىگى


Көптеген адамдар Қазақстанды Ð

27- حالىقارالىق قۇران كارىم كورمەسى سەنبى كۇنى «قۇران - ءومىر ءمانى» دەگەن ۇرانمەن تەھراندا اشىلدى.

بۇل تۋرالى وسى اپتادا Fars اقپارات اگەنتتىگى حابارلادى.

27- حالىقارالىق قۇران كارىم كورمەسىنىڭ باسشىسى ابدۋلحادي فەقھيزادە اۋعانستان، پاكىستان، يراك، يندونەزيا، تۇركيا، فيليپپين مەن تۋنيس سياقتى ەلدەردىڭ حالىقارالىق بولىمگە قاتىسىپ جاتقانىن ايتقان.

«بۇل كورمەگە 10-نان اسا ەلدىڭ وكىلدەرى كەلدى. باسقا ەلدەردىڭ ترانسۇلتتىق سيپاتقا يە 8 قۇران زەرتتەۋ ينستيتۋتى وزدەرىنىڭ ەڭبەكتەرى مەن بەلسەندىلىكتەرىن جۇرت نازارىنا ۇسىندى»، - دەيدى حالىقارالىق قۇران كارىم كورمەسىنىڭ باسشىسى ا. فەھيزادە.

شىڭجاڭدا تۇڭعىش رەت تۇز ەرىتىندىسىنەن قالىپتاسقان كارستتى جەر تابىلدى - تيانشاننەت


Көптеген адамдар Қазақстанды Ð

شىڭجاڭنىڭ بايچىڭ اۋدانىنان سيرەك كەزدەسەتىن تۇز ەرىتىندىسىنەن قالىپتاسقان كارست جەر بەدەرى تابىلدى.

كارست، كارستىق قۇبىلىستار (نەم. Karst) - سۋدا ەريتىن جانە سۋ وتكىزگىش تاۋ جىنىستارىنان - دولوميتتەردەن، گيپستەن، تاۋ تۇزىنان قۇرىلعان جەرلەرگە ءتان رەلەفتىڭ وزگەشە فورمالارى مەن گيدرولوگيالىق رەجيمى. وسىنداي جەرلەردە اعىن جانە جەر استى سۋلارىنىڭ تاۋ جىنىستارىن ەرىتۋىنىڭ سالدارىنان جەر بەتىندە ورلار، شۇڭقىرلار، ۇلكەن دوڭگەلەك قازان شۇڭقىرلار، ال جەر استىندا ۇلكەن بوس كەڭىستىكتەر، ۇڭگىرلەر پايدا بولادى. جۇمساق جانە بورپىلداق جىنىستارعا سۋ اسەر ەتەتىن بولسا، شولدىك كليمات جاعدايلارىندا سۋعا ەرىگىش جىنىستاردا (سازدى مەرگەلدە) «جالعان كارست» نەمەسە سازدىق كارست پايدا بولادى.

وسىنداي سيرەك كەزدەسەتىن تۇز ەرىتىندىسىنەن قالىپتاسقان كارست جەر بەدەدەرى بايچىڭ اۋدانى قالاشىعىنىڭ باتىس سولتۇستىگىنەن 23 كيلومەتر قاشىقتىقتان انىقتالدى، - دەپ جازادى «تيانشاننەت» اقپاراتتىق پورتالى.

بۇل شىڭجاڭ ولكەسىندە تۇڭعىش رەت بايقالعان ەرەكشە تابيعي تاۋ جىنىسى ەكەن.

«مەن گەولوگيا قىزمەتىمەن شۇعىلدانعان 30 جىلدا مۇنداي تۇز ەرتىندىسىنەن قالىپتاسقان كارستتى جەر بەدەرىن ءبىرىنشى رەت كورىپ وتىرمىن. بۇكىل قىتاي مەملەكەتىنىڭ كولەمىندە دە بۇنداي تابيعي جىنىستار وتە سيرەك كەزدەسەدى»، - دەيدى شىڭجاڭ كەن ىستەرى مەكەمەسىنىڭ باس ينجەنەرى فان تيڭبين.

اتاقتى سۋرەتشىنىڭ كارتيناسى رەكورد باعاعا ساتىلدى - TRT


Көптеген адамдар Қазақстанды Ð

كلود مونەنىڭ ءبىر كارتيناسى 110,7 ميلليون دوللارعا ساتىلدى. بۇل تۋرالى وسى اپتادا تۇركيا راديو تەليەۆيزيا سايتى حابارلادى.

اتالعان اقپارات كوزىنىڭ مالىمەتىنشە، فرانسۋز يمپرەسسيونيزمىنىڭ نەگىزىن قالاۋشى، اتاقتى سۋرەتشى كلود مونەنىڭ ءبىر كارتيناسى 110,7 ميلليون دوللارعا ساتىلعان.

«BBC-دىڭ حابارىنا قاراعاندا، Sotheby's اۋكسيون ءۇيى نيۋ-يوركتا سۋرەتشىنىڭ ءبىر كارتيناسىن ءباسساۋداعا سالدى. 1890 -جىلى سالىنعان كوركەم سۋرەت فرانسۋز سۋرەتشىنىڭ تۋىندىسى ءۇشىن رەكورد باعاعا - 110,7 ميلليون دوللارعا ساتىلدى. ءبىرىنشى رەت ءبىر يمپرەسسيونيستىك ءبىر سۋرەتكە 100 ميلليوننان استام كوپ اقشا تولەندى. اۋكتسيوندا وسى كارتينانى ساتىپ العان كىسىنىڭ اتى- ءجونى جاريالانبادى. مونەنىڭ بۇدان بۇرىنعى ەڭ كوپ اقشاعا ساتىلعان كارتيناسى «Nympheas en fleur» («لالاگۇلدى توعان») بولاتىن. كارتينا 2018 -جىلدىڭ مامىر ايىندا 84,7 ميلليون دوللارعا ساتىلدى» دەپ جازدى تۇركيالىق اقپارات كوزى.

ۇلان- باتىردا قازاقستان- موڭعوليا بيزنەس- فورۋمى وتەدى - KAZNEWS


Көптеген адамдар Қазақстанды Ð

قازاقستاننىڭ موڭعولياداعى ەلشىلىگى موڭعوليالىق بيزنەس وكىلدەرىن 2019 -جىلى 4-5 -ماۋسىمدا ۇلان-باتىر قالاسىندا وتەتىن بيزنەس- فورۋمعا قاتىسۋعا شاقىرادى، دەپ حابارلايدى KAZNEWS اقپاراتتىق پورتالى.

بيزنەس-فورۋم ۇلان-باتىرداعى Blue Sky Hotel اتتى قوناق ءۇيدىڭ «Diamond» زالىندا وتەدى.

موڭعولليالىق باسىلىمنىڭ مالىمەتىنە سۇيەنسەك، شارانىڭ ۇيىمداستىرۋشىلارى - ق ر يندۋستريا جانە ينفراقۇرىلىمدىق دامۋ مينيسترلىگى، ق ر سىرتقى ساۋدا پالاتاسى، «اتامەكەن» ۇلتتىق كاسىپكەرلەر پالاتاسى جانە موڭعوليا ۇلتتىق ساۋدا- ونەركاسىپ پالاتاسى.

سونداي-اق، شارانىڭ ماقساتى - قازاق- موڭعول كاسىپكەرلەرى اراسىنداعى قارىم- قاتىناستى نىعايتۋ بولىپ تابىلادى.

«قازاقستاندىق تاراپتان وڭدەۋ ونەركاسىبى، ماشيناقۇراستىرۋ، ازىق-تۇلىك، جەڭىل ونەركاسىپ جانە ت. ب. سالالارداعى ءىرى تاۋار وندىرۋشىلەر قاتىسادى دەپ كۇتىلۋدە. بۇل موڭعوليالىق قانا ەمەس، سونداي- اق قازاقستاندىق كاسىپكەرلەر ءۇشىن ءوزارا سەرىكتەستىك ورناتۋدا، ۇزاق مەرزىمدى ىسكەرلىك قارىم- قاتىناس قۇرۋعا، ەكى ەلدىڭ ءبىر-ءبىرىنىڭ نارىعىنا جول اشۋعا وراسان زور مۇمكىندىك بولماق» دەپ جازادى kaznews.mn.

اۆتور: بەيسەن سۇلتان


باستى سوزدەر: مادةنيةت,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات