تابىسقا جەتكەن ايەلدەردەن كەڭەس

 نۇر-سۇلتان. قازاقپارات - تابىستى بولعىڭىز كەلە مە؟ ەندەشە ومىردە كوپكە قول جەتكىزگەن، ءساتتى ادامداردان ۇلگى الىڭىز.

مانساپ جولىندا ەڭ ءساتتى دەپ تانىلعان ايەلدەر بەرگەن كەڭەستەر توپتاماسىمەن تانىسىپ، سولارعا سايكەس ارەكەت ەتۋگە تىرىسىڭىزدار.

1. ەرتە تۇرعان ايەلدىڭ ءبىر ءىسى ارتىق

اتاقتى Starbucks كوفەحانالار جەلىسى كومپانياسىنىڭ باسشىسى ميشەل گاسس كۇندەلىكتى ساعات تاڭعى 4:30-دا ويانىپ، جۇمىس الدىندا جۇگىرىپ جاتتىعادى. تانىمال كوسمەتيكالىق كومپانيا Avon-نىڭ توپ-مەنەدجەرى اندرەا دجانگ كۇندەلىكتى 5 تە ويانسا، امەريكالىق Vogue جۋرنالىنىڭ باس رەداكتورى اننا ۆينتۋردىڭ ءار تاڭى ساعات 6 داعى تەننيس ويىنىنان باستالادى. بۇل ايگىلى ايەلدەر تاڭعى جاتتىعۋلار كۇننىڭ ەڭ دۇرىس باستاماسى ەكەندىگىن ءتۇسىندى.

2. بەلسەندى بولىڭىز

زەرتتەۋلەردىڭ ناتيجەلەرى جۇمىستا ايەلدەردىڭ ەرلەرگە قاراعاندا بەلسەندىلىگى از بولاتىندىعى دالەلدەندى. بۇل تابيعي تۇيسىكتەرگە دە بايلانىستى بولۋى مۇمكىن. سونداي- اق بۇل ەرلەردىڭ قىزمەتتەگى ۇستەمدىگىنىڭ سەبەبى ەكەن. كوپ جۇمىستاردا ايەلدەر ەرلەردىڭ ايلىعىنان ورتا ەسەپپەن 15-20 پايىزعا كەم الادى. ەندەشە ۇيالماي، قىسىلماي، قىزمەتتە بەلسەندى بولۋعا تىرىسىڭىز. ءوز پىكىرىڭىزدى ايتىپ، ءوز جوبالارىڭىزدى ۇسىنىپ، ءىسىڭىزدى سوڭىنا دەيىن اياقتاڭىز.

3. ءوز كۇشىڭىزدى ەسەپكە الىڭىز

Four Seasons قوناق ۇيلەرىنىڭ باسشىسى كەتي تەيلوردىڭ ايتۋىنشا، ول ءبارىن دە قاداعالاپ ۇلگەرگىسى كەلەدى. بۇل قاسيەت ارينە باسشى ايەل ءۇشىن ماڭىزدى، الايدا ءوز كۇشىڭىزدى ەسەپكە الىڭىز. جاساۋعا ۇلگەرمەيتىن، كۇشىڭىز، ءبىلىمىڭىز جەتپەيتىن تاپسىرمالاردى باسقالارمەن ءبولىسىپ، اقىلداسىپ، كەڭەسىپ جاساعان ءجون. ۇلگەرەمىن دەپ ءوز موينىڭىزعا ءبارىن ارتۋ -  بارلىق شارۋانى سوڭىنا دەيىن تىندىرماۋدىڭ باستاماسى بولماسىن.

4. ءساتتى ادامدارمەن تانىسىڭىز

بەدەلدى «اعا»، «كوكە» ىزدەگەنشە، جاي عانا قىزمەتىندە ءساتتى ادامدارمەن تانىسىڭىزدار. جۇمىس بابىمەن ءتۇرلى كونفەرەنسيالار، كەزدەسۋلەرگە قاتىسىپ، ءساتتى، اتاقتى ادامداردىڭ قاسىنا بارىپ تانىسۋدان ۇيالماڭىز. Facebook باسشىلارىنىڭ ءبىرى شەريل ساندبەرگ سونداي كىسىلەرمەن تانىسقاننان كەيىن، وعان ەلەكتروندى پوشتاسىنا حات جازىپ، وندا تالقىلاعان تاقىرىپ جايلى وي ءبولىسىپ، قىزىقتى ماقالالارعا سىلتەمەلەر قوسۋعا كەڭەس بەرەدى. ونىمەن بايلانىستى ۇزبەڭىز، باسقا سۇراقتار بويىنشا كەڭەسىپ، پىكىر سۇراپ ءجۇرىڭىز. بولاشاقتا وسى كىسى ءسىزدىڭ قىزمەت جولىڭىزعا پايداسىن بەرۋى مۇمكىن.

5. قىزىعۋشىلىق تانىتىڭىز

Disney Media Networks جانە Disney-ABC Television Group-تىڭ باسشىلارىنىڭ ءبىرى ەنن سۋينني «ءارقاشان سۇراقتار قويىپ، وعان جاۋاپتار ىزدەڭىز، ءسىزدىڭ سالاڭىزعا قاتىستى نارسەلەردىڭ بارىنە قىزىعۋشىلىق تانىتىڭىز»، -  دەيدى.

6. باسقالاردىڭ پىكىرىن تىڭداڭىز

QVC تولەم، تاۋار، مەديا كومپانيانىڭ باسشىسى ءوز كەڭسەسىندە ءار بەيسەنبى اشىق ەسىك كۇنىن جۇرگىزەدى ەكەن. بۇل كۇنى كومپانيانىڭ كەز كەلگەن قىزمەتشىسى باستىعىنا كىرىپ، كەڭەسىپ، پىكىر ءبولىسىپ، ءوز ويلارىن جەتكىزە الادى. قانشالىقتى بيىك كوتەرىلسەڭىز دە، ناعىز جۇمىستى جاساپ وتىرعان قىزمەتكەرلەرگە جاقىن بولىڭىز.

7. ماقساتتار قويىڭىز

كونسەرۆىلەنگەن سورپالار وندىرەتىن Campbell's Soup كومپانيانىڭ باستىعى دەنيس مورريسون كىشكەنتايىنان ءوزىنىڭ «بيزنەسۆۋمەن» بولاتىندىعىن بىلگەن. ول وزىنە ءارقاشان «ماقساتتارىم قانداي؟»، «نەگە قول جەتكىزە الدىم؟»، «ەندى نە ىستەي الامىن؟» سىندى سۇراقتار قويادى ەكەن.

8. وزىڭىزگە «جوق» دەي ءبىلىڭىز

World Food Programme-نىڭ اتقارۋشى ديرەكتورى ەتراين كۋزيننىڭ ايتۋىنشا، ايەلگە ەڭ قيىنى ءوزىنىڭ قۇمارلىعىن تىيىپ، كەيبىر نارسەلەرگە «جوق» دەي ءبىلۋ.

9. اسىقپاڭىز

بيزنەس پەن ۇكىمەتتەگى تانىمال ءارى ءساتتى ايەلدەردىڭ كوبىسىنىڭ جاسى 30-دان جوعارى. ساتتىلىككە تاجىريبە، ۋاقىت، ءبىلىم مەن باق كەرەكتىگىن ۇمىتپاي، ماقساتىڭىزعا سۇرىنبەي جەتىڭىز.

 

دەرەككوز: Reactor