ەلوردالىقتار «سوزدەن ىسكە» ءداستۇرلى اكسياسىن وتكىزدى

None
None
 نۇر- سۇلتان. قازاقپارات - دۇنيەجۇزىلىك دەنساۋلىق ساقتاۋ اسسامبلەياسى 72- سەسسياسىنىڭ قارساڭىندا ەلوردادا «سوزدەن ىسكە/Walk the Talk»  ءداستۇرلى اكسياسى وتكىزىلدى، دەپ حابارلايدى قازاقپارات ءتىلشىسى.

اكسيانى ق ر دسم قوعامدىق دەنساۋلىق ساقتاۋ ۇلتتىق ورتالىعى، د د ۇ، نۇر- سۇلتان قالاسىنىڭ اكىمدىگى، قوعامدىق دەنساۋلىق ساقتاۋ باسقارماسى، سالاۋاتتى ءومىر سالتىن قالىپتاستىرۋ ورتالىعى جانە قوعامدىق دەنساۋلىق ساقتاۋ جوعارى مەكتەبى ۇيىمداستىرىپ وتىر. اكسيانىڭ ماقساتى - دەنساۋلىق قۇندىلىقتارىن ناسيحاتتاۋ، قوعامدىق دەنساۋلىقتى قورعاۋ بويىنشا بارلىق مۇددەلى تاراپتاردىڭ كۇشتەرىن بىرىكتىرۋ، دەنساۋلىقتى نىعايتۋ ماقساتىندا جاھاندىق قوزعالىستى قولداۋ، ءومىر بويى دەنە بەلسەندىلىگىنىڭ دەڭگەيىن ساقتاۋ.

«2019 -جىلعى 12-17 - مامىر ارالىعىندا دۇنيەجۇزىلىك دەنساۋلىق ساقتاۋ ۇيىمىنا مۇشە 135 ەلدىڭ بارىندە وسىنداي «سوزدەن ىسكە» اكسياسى ۇيىمداستىرىلىپ جاتىر. اكسيا اياسىندا 3 جانە 5 شاقىرىمعا جۇگىرۋ، فين تاسىلىمەن ءجۇرۋ سەكىلدى سايىستار وتكىزىلەدى. ءبىزدىڭ ەسترادا جۇلدىزدارى دەنساۋلىق وكىلى رەتىنە شاقىرىلىپ، جانكۇيەرلەرىنە ۇلگى كورسەتىپ وتىر. جاس، جىنىس ەرەكشەلىكتەرىنە، تۇرعىلىقتى جەرىنە قاراماستان، ءبىز بارشاعا ارنالعان دەنساۋلىققا قول جەتكىزۋ ءۇشىن كۇش- جىگەرىمىزدى جۇمسايمىز دەپ ايتقىم كەلەدى. دەنساۋلىقتى ساقتاۋ شاراسى ەڭ الدىمەن ءارقايسىسىمىزدان باستالۋى قاجەت» ، - دەيدى ق ر دەنساۋلىق ساقتاۋ ۆيتسە- ءمينيسترى ولجاس ابىشيەۆ.

ۆيتسە- مينيستر ءوز سوزىندە مەديتسينا قىزمەتكەرلەرى كۇنى قارساڭىندا ءوز ارىپتەستەرىن دەنساۋلىقتى ساقتاۋعا جاقتاس ادامداردىڭ قاتارىن بارىنشا ارتتىرا وتىرىپ، «دەنساۋلىققا اپاراتىن جول وزىمىزدەن باستالادى» ەستافەتاسىن وڭىرلەردى جالعاستىرۋعا شاقىردى.

سوزدەن ىسكە كوشە وتىرىپ، قاتىسۋشىلار 3 جانە 5 شاقىرىم قاشىقتىققا جۇگىرۋگە، سونداي- اق سكانديناۆيا جۇرىسىنە قاتىسۋ ارقىلى دەنە بەلسەندىلىگىنە بەيىم ەكەنىن كورسەتىپ باعۋدا. باعدار بويىندا تومەندەگىدەي ستانسالار ۇيىمداستىرىلدى:

- سۋ ستانساسى (بارلىق قاتىسۋشىلارعا سۋ تاراتىلدى) ؛

- شۇعىل كومەك ستانساسى - دەنساۋلىققا سالعىرت قاراماي، اۋا- رايىنا سايكەس كيىممەن سپورتپەن شۇعىلدانۋ؛

- ومىرلىك ماڭىزدى كورسەتكىشتەردى ولشەۋ - دارىگەردىڭ كەڭەستەرىن ساقتاۋ جانە سپورتپەن اينالىسۋ كەزىندە اعىمداعى دەنساۋلىق جاعدايىن ەسەپكە الۋ.

ايتا كەتسەك، مەديتسينالىق- سانيتاريالىق العاشقى كومەك بويىنشا جاھاندىق كونفەرەنتسيا بىلتىر ەلوردادا وتكەن بولاتىن.

Елордалықтар «сөзден іске көшті» 
Елордалықтар «сөзден іске көшті» 
Елордалықтар «сөзден іске көшті» 
Елордалықтар «сөзден іске көшті» 

 

 

سوڭعى جاڭالىقتار