حالىقتىڭ ءال- اۋقاتى ەكونوميكا كورسەتكىشى بولۋى ءتيىس - داۋرەن ابايەۆ

 نۇر- سۇلتان. قازاقپارات - قازاقستان ءوز ازاماتتارىنىڭ ءال- اۋقاتىن كوتەرۋگە نيەتتى. ونىڭ ىشىندە قاتارداعى ورتاشا ستاتيستيكالىق قازاقستاندىققا باسا ءمان بەرىلەدى، دەپ حابارلايدى قازاقپارات ءتىلشىسى.

بۇل تۋرالى ق ر اقپارات جانە قوعامدىق دامۋ ءمينيسترى داۋرەن ابايەۆ ا ە ف-2019 اياسىنداعى «ازاماتتىق قوعامدى ءال- اۋقات ساياساتىنا تارتۋ» پانەلدىك سەسسياسىندا ايتتى.

«ەلباسى نۇرسۇلتان نازاربايەۆ ەكونوميكا دامۋىنىڭ حالىقتىڭ ءال- اۋقاتىمەن تىكەلەي بايلانىسۋىن ۇنەمى ايتىپ جۇرەدى. ساراپشىلار دا مەملەكەت تيىمدىلىگىنىڭ ج ءى ءو كولەمىمەن، التىن قورىمەن نەمەسە ەكونوميكالىق ءوسىم كورسەتكىشىمەن باعالاناتىن زاماننىڭ وتكەنىن ايتۋدا. بۇگىندە مەملەكەتتىڭ ەكونوميكالىق تابىستى بارلىق حالىق توبىنا قالاي بولەتىنى ماڭىزدى. تاۋەلسىزدىكتىڭ 28 جىلىندا ج ءى ءو- ءنىڭ وسكەنىن كوردىك. ءبىراق، ءدال وسى 28 جىلدا قازاقستان حالقى باقىتتىراق بولا الدى ما؟ بۇل تاقىرىپتى تالقىلاۋ قاجەت دەپ ەسەپتەيمىن» ، - دەدى مينيستر.

ونىڭ ايتۋىنشا، ⅩⅩعاسىردا كوپتەگەن مەملەكەت كەدەيلىكتەن قۇتىلۋدى ماقسات ەتىپ قويسا، قازىرگى ۋاقىتتا باقىت پەن باقۋاتتىلىقتى تۇسىنىكتەرى الدىڭعى قاتارعا شىعىپ وتىر. ءبىراق، بۇل رەيتينگتى جۇرگىزۋدە بىرىزدىلىك جوق.

«بۇكىل الەمدىك باقىت ەسەبىن جاساۋشىلار جان باسىنا شاققانداعى ج ءى ءو، الەۋمەتتىك قولداۋ، ءومىر ءسۇرۋ ۇزاقتىعى سىندى اياسى تار كريتەرييلەردى نەگىزگە الادى. ناتيجەسىندە فينليانديا، دانيا، نورۆەگيا جانە يسلانيا ەلدەرى ءبىرىنشى ورىندا تۇرادى. الايدا، ومىرگە قاناعاتتانۋ تۋرالى بىرەگەي يندەكس جاساپ شىعارعان جاڭا ەكونوميكا قورىنىڭ تاجىريبەسى قىزىعۋشىلىق تۋدىردى. 2012 -جىلى بۇل رەيتينگتە كوستا- ريكا، ۆەتنام، كولۋمبيا ەلدەرى وزىپ شىقتى» ، - دەدى مينيستر.

 2011 -جىلدان باستاپ، ەكونوميكالىق ىنتىماقتاستىق جانە دامۋ ۇيىمى (ە ى د ۇ) جايلى ءومىر يندەكسىن انىقتاۋ ءۇشىن كەشەندى زەرتتەۋ جۇرگىزىپ كەلەدى. يندەكس اۋقاتتىلىق پارامەترلەرىن 2 توپقا بولەدى.

 العاشقى توپ تۇرعىن ءۇي جاعدايى، تابىس كولەمى سىندى ماتەريالدىق كريتەريلەردى قامتىسا، ەكىنشى توپتا - ءبىلىم، ەكولوگيا، ازاماتتىق قۇقىقتار، دەنساۋلىق، قاۋىپسىزدىك، ومىرگە قاناعات، جۇمىس پەن جەكە ءومىر تەڭگەرىمى قاراستىرىلادى.

«2018 -جىلى رەيتينگ 149 ەلدى قامتىدى جانە قازاقستان 2019 -جىلى 60-ورىنعا كوتەرىلدى. قازاقستان ءوز الدىنا قولجەتىمدى ماقسات قويىپ وتىر - ازاماتتاردىڭ ءال- اۋقاتىن ە ى د ۇ ەلدەرىنىڭ دەڭگەيىنە كوتەرۋ. ونىڭ ىشىندە ورتاشا ستاتيستيكاداعى قازاقستاندىقتىڭ ءال- اۋقاتىن ارتتىرۋعا باسا ءمان بەرىلەدى. بۇل مىندەتتى ورىنداۋ ءۇشىن بيلىك، بيزنەس جانە ازاماتتىق قوعام ءوزارا ارەكەتتەستىكتە بولۋى ءتيىس» ، - دەپ ءوز ءسوزىن تۇيىندەدى داۋرەن ابايەۆ.