+7 (701) 759 90 19
7 °С : نۇر-سۇلتان
7 °С : الماتى
USD 389.62 EUR 429.98
RUB 6.06 CNY 55.08
جاڭالىقتار

اتاتۇرىكتىڭ «جولداۋ» كىتابى قازاقشاعا اۋدارىلدى

17 مامىر 19:49
:ءبولىسۋ
اتاتۇرىكتىڭ «جولداۋ» كىتابى قازاقشاعا اۋدارىلدى

نۇر- سۇلتان، قازاقپارات - حالىقارالىق تۇركى اكادەمياسى تۇركياداعى مۇستافا كەمال اتاتۇرىك باستاعان ۇلت- ازاتتىق كۇرەستىڭ 100 جىلدىعىنا ارناپ اۋقىمدى شارا وتكىزدى، دەپ حابارلايدى قازاقپارات ءتىلشىسى.

«تاريحتان تاعىلىم: تۇرىك ۇلت- ازاتتىق كۇرەسى جانە اتاتۇرىك» اتتى كونفەرەنسيادان باستالعان شارالار كەشەنى ارنايى كورمەگە ۇلاسىپ، اتاتۇرىكتىڭ «جولداۋ» اتتى كىتابىنىڭ قازاقشا نۇسقاسىنىڭ تۇساۋكەسەرى ءوتتى.

شاراعا قازاقستان رەسپۋبليكاسىنداعى ازەربايجان، قىرعىزستان، وزبەكستان، تۇركيا، ماجارستان جانە تۇرىكمەنستاننىڭ ەلشىلەرى، ق ر پارلامەنتى سەناتى مەن ءماجىلىسىنىڭ دەپۋتاتتارى، كورنەكتى قوعام قايراتكەرلەرى، بەلگىلى عالىمدار جانە ەتنومادەني ورتالىقتاردىڭ جەتەكشىلەرى قاتىستى.

حالىقارالىق تۇركى اكادەمياسى شىعارعان «جولداۋ» كىتابى بۇگىندە تۇركى الەمىنە ورتاق جادىگەر سانالادى. تۇركيا مەملەكەتىن قۇرۋشى تۇلعا مۇستافا كەمال اتاتۇرىك اتالمىش ەڭبەگىن ءوز قولىمەن جازىپ جۇيەلەپ، 1927 -جىلى انكارادا ۇلتتىق ماجىلىستە ءوز اۋزىمەن 36,5 ساعات بويى وقىعان دەگەن دەرەك بار. وقىرمان قاۋىم سول ەڭبەكپەن قازاق تىلىندە تانىسۋعا مۇمكىندىك الىپ وتىر.

كونفەرەنسيا بارىسىندا ءسوز العان حالىقارالىق تۇركى اكادەمياسىنىڭ پرەزيدەنتى دارحان قىدىرالى اتالمىش داتانىڭ تۇركى الەمىندەگى ورنى ەرەكشە ەكەنىن اتادى.

«وسىدان تۋرا 100 جىل بۇرىن تۇركى دۇنيەسىنىڭ ەرجۇرەك ۇلى مۇستافا كەمال اتاتۇرىك تۇركيانى ازات ەتۋگە اتقا قوندى. بيىل ءبىز بۇل جىلدى اتاتۇرىك جىلى دەپ جاريالاعانبىز. وسى جىلدىڭ اياسىندا ءبىز كوپتەگەن شارالار ۇيىمداستىرىپ جاتىرمىز. سولاردىڭ ءبىرى اتاتۇرىكتىڭ «جولداۋ» اتتى كىتابىن جارىققا شىعارىپ وتىرمىز» - دەدى ول.

تۇركيانىڭ قازاقستانداعى توتەنشە جانە وكىلەتتى ەلشىسى نيەۆزات ۋيانىك ايتۋلى تاريحي وقيعانىڭ ءمان- ماڭىزىنا توقتالدى.

ال، مەملەكەت جانە قوعام قايراتكەرى، تۇركى كەڭەسى اقساقالدار كەڭەسىنىڭ مۇشەسى ءادىل احمەت بايانداما جاسادى.

«مۇستافا كەمال اتاتۇرىكتىڭ «جولداۋ» دەگەن شىعارماسى وسمانلى مەملەكەتىنىڭ ىدىراۋى، اتاتۇرىكتىڭ باسشىلىعىمەن جۇرگىزىلگەن تۇرىك حالقىنىڭ ۇلت- ازاتتىق كۇرەسى جانە تۇركيا رەسپۋبليكاسىنىڭ جاريالانىپ، قالىپتاسۋىنا قاتىستى مالىمەتتەرگە اسا باي ەڭبەك. ول سونداي- اق اتاتۇرىكتىڭ تاۋەلسىزدىك جولىنداعى كۇرەس فيلوسوفياسىنان دا مول ماعلۇمات بەرەدى. «جولداۋ» العاش تۇركيادا 1927 -جىلى بىرەۋى نەگىزگى ءماتىن، ەكىنشىسى قۇجاتتار رەتىندە اراب ارىپتەرىمەن ەكى كىتاپ بولىپ باسىپ شىعارىلعان بولاتىن» - دەدى ءادىل احمەت.

كىتاپحانا فويەسىنە قويىلعان كورمەدە تۇركيا رەسپۋبليكاسىنىڭ قالىپتاسۋ تاريحىن باياندايتىن 40 تان استام فوتو قويىلدى.


باستى سوزدەر: قوعام,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات