+7 (701) 759 90 19 Лента
11 °С : استانا
18 °С : الماتى
USD 378.90 EUR 422.74
RUB 5.87 CNY 54.80
جاڭالىقتار

قاسىم- جومارت توقايەۆ ۇكىمەتكە جۇمىسپەن قامتۋ ماسەلەسىنە قاتىستى جەتى مىندەتتى جۇكتەدى

17 مامىر 17:03 287
:ءبولىسۋ
قاسىم- جومارت توقايەۆ ۇكىمەتكە جۇمىسپەن قامتۋ ماسەلەسىنە قاتىستى جەتى مىندەتتى جۇكتەدى

نۇر- سۇلتان. قازاقپارات - مەملەكەت باسشىسى قاسىم- جومارت توقايەۆ ەڭبەك جانە جۇمىسپەن قامتۋ ماسەلەلەرى بويىنشا جيىن وتكىزدى، دەپ حابارلايدى قازاقپارات اقورداعا سىلتەمە جاساپ.

جيىنعا پارلامەنت دەپۋتاتتارى، ۇكىمەت مۇشەلەرى، قوعامدىق ۇيىمداردىڭ وكىلدەرى جانە ينۆەستورلار مەن ءىرى كومپانيالاردىڭ باسشىلارى قاتىستى.

قازاقستان پرەزيدەنتى بۇل سالاداعى مەملەكەتتىك ساياسات حالىقتى لايىقتى جۇمىسپەن قامتۋ جانە ءادىل ەڭبەكاقىعا نەگىزدەلۋى ءتيىس دەپ اتاپ ءوتتى. ول ءۇشىن ۇكىمەتتىڭ الدىنا شۇعىل شەشىلۋى ءتيىس بىرنەشە مىندەت قويدى.

 - ءبىرىنشى. ەڭبەك نارىعىنىڭ سۇرانىسىنا ساي ماماندار دايارلاۋ. ءتورتىنشى وندىرىستىك ريەۆوليۋتسيا جاڭا ماماندىقتاردىڭ پايدا بولۋىنا اكەلەدى. بۇگىندە العان ءبىلىمنىڭ ۋاقىت وتكەن سايىن جارامسىز بوپ قالۋى ءجيى كەزدەسەدى. ۇكىمەت ءبىلىم بەرۋ باعدارلامالارىنىڭ الەمدىك ستاندارتقا ساي كەشەندى جاڭارۋىن قامتاماسىز ەتۋ قاجەت، - دەدى مەملەكەت باسشىسى.

 قازاقستان پرەزيدەنتى وسى باعىتتا الداعى ءۇش جىلدا الدىڭعى قاتارلى 180 كوللەدج بەن 20 جوعارى وقۋ ورنىنىڭ كۇشەيتىلەتىن ايتتى. ۇكىمەتكە جوعارى جانە كاسىبي تەحنيكالىق ءبىلىم بەرۋدىڭ ساپاسىن باقىلاۋ تاپسىرىلدى.

ساپالى جۇمىس ورىندارىن قۇرۋ - ەكىنشى نەگىزگى مىندەت.

- بىزدەگى قۇرىلىپ جاتقان جۇمىس ورىندارىنىڭ كوبى قىسقا مەرزىمگە بەيىمدەلگەن. مۇنداي ادىسپەن حالىقتى ءتيىمدى جۇمىسپەن قامتاماسىز ەتۋ مۇمكىن ەمەس، ەڭبەك نارىعىن ۋاقىتشا عانا تۇراقتاندىرادى. سوندىقتان، ءبىز ەڭ الدىمەن مامان جەتىسپەيتىن وڭدەۋ ونەركاسىبى، اۋىل شارۋاشىلىعى، تۋريزم، قىزمەت كورسەتۋ، اقپاراتتىق تەحنولوگيالار سالالارىندا تۇراقتى جۇمىس ورىندارىن اشۋىمىز قاجەت، - دەدى مەملەكەت باسشىسى.

 قاسىم- جومارت توقايەۆ ۇكىمەتكە جۇمىسپەن قامتۋ ماسەلەسىنە قاتىستى جەتى مىندەتتى جۇكتەدى

ءۇشىنشى مىندەت - جۇمىسپەن قامتۋدىڭ جاڭا قالىپتارى.

 قاسىم- جومارت توقايەۆ جاھاندىق تەحنولوگيالىق ترەندتەر ەڭبەك نارىعىنىڭ كەڭ كولەمدە ترانسفورماتسيالانۋىنا اكەلەتىنىن ايتتى.

- قازىرگى كەزدە ەڭبەك شارتى، كاسىپوداق، ەڭبەك دەمالىسى سياقتى ۇعىمدار وزگەرىسكە ۇشىراۋدا. فريلانسەرلەردىڭ، اۋت- سياففەرلەردىڭ جانە باسقالارىنىڭ سانى كوبەيۋدە. وسىعان بايلانىستى نورماتيۆتىك رەتتەۋلەردى قايتا قاراۋ قاجەت، - دەدى قازاقستان پرەزيدەنتى.

 
قاسىم- جومارت توقايەۆ ۇكىمەتكە جۇمىسپەن قامتۋ ماسەلەسىنە قاتىستى جەتى مىندەتتى جۇكتەدى

مەملەكەت باسشىسى جاستاردى جۇمىسقا ورنالاستىرۋدى ءتورتىنشى نەگىزگى مىندەت رەتىندە اتاپ ءوتتى.

- جوعارى وقۋ ورىنداردى بىتىرگەن تۇلەكتەردىڭ جۇمىسقا ورنالاسۋى 50 پايىزدان ءسال عانا اسادى. بىزدەگى «جاسىل ەل» ، «ديپلوممەن اۋىلعا» ، «سەرپىن» ، «جاستار - ەل تىرەگى» ، «جاستار پراكتيكاسى» سياقتى باعدارلامالاردىڭ تيىمدىلىگىن ارتتىرۋ كەرەك. ولاردىڭ قايسى ناقتى جۇمىس ىستەيدى، قانشاسى جۇزەگە اسپاي جاتىر؟ وسىلاردى قايتا قاراۋ قاجەت. بۇل ماسەلەنى ۇدايى نازاردا ۇستاۋ كەرەك، - دەدى قاسىم- جومارت توقايەۆ.

بەسىنشى - ينكليۋزيۆتىلىك.

قازاقستان پرەزيدەنتى ۇكىمەتكە «ەڭبەك» مەملەكەتتىك باعدارلاماسى ارقىلى مۇمكىندىگى شەكتەۋلى ازاماتتاردىڭ جۇمىسقا ورنالاسۋىن قامتاماسىز ەتۋدى قاراستىرۋدى تاپسىردى.

 - بۇگىندە قازاقستاندا مۇمكىندىگى شەكتەۋلى 410 مىڭ ادام ەڭبەككە قابىلەتتى. ولاردىڭ تەڭ جارتىسى قالىپتى ەڭبەك جاعدايىندا جۇمىس ىستەي المايدى. ياعني، 120 مىڭ ادام جۇمىستى قاجەت ەتىپ وتىر، - دەدى مەملەكەت باسشىسى.

قاسىم- جومارت توقايەۆ ەڭبەك موبيلدىلىگىن ارتتىرۋدى التىنشى مىندەت دەپ كورسەتتى.

 - بۇل ماسەلەگە كەشەندى تۇردە قاراۋ كەرەك. شەنەۋنىكتەرگە ەمەس، ادامدارعا ىڭعايلى بولاتىن ءتيىمدى جولدارىن قاراستىرۋ قاجەت. ۇكىمەت پەن اكىمدەرگە بىرلەسىپ ءموبيلدى ەڭبەكتىڭ تيىمدىلىگىن ارتتىرۋ تەتىكتەرىن جاساۋدى تاپسىرامىن، - دەدى قازاقستان پرەزيدەنتى.

 ۇكىمەتكە جۇكتەلگەن سوڭعى مىندەت - گەندەرلىك تەڭ قۇقىقتى نىعايتۋ. قاسىم- جومارت توقايەۆ بىرتىندەپ ايەلدەردىڭ ەڭبەگىن قورعاۋ، ولاردىڭ مەملەكەتتىك باسقارۋدىڭ بارلىق دەڭگەيلەرىندە جانە كورپوراتيۆتىك سالالارعا قاتىسۋىن قامتاماسىز ەتۋ شارالارىن ازىرلەۋ قاجەتتىگىن ايتتى.


باستى سوزدەر: بيلئك جانة ساياسات,
:ءبولىسۋ

اأتور:

novasa

ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049
مۇراعات