باقىت سۇلتانوۆ تاللين مەرىمەن كەزدەستى
اكىمدىك سايتىنىڭ مالىمەتىنشە، باقىت سۇلتانوۆ ەكى ەل اراسىنداعى قارىم- قاتىناس ءوزارا تۇسىنىستىك جاعدايىندا دامىپ كەلە جاتقانىن اتاپ ءوتتى. «ەلباسى نۇرسۇلتان نازاربايەۆتىڭ ساليقالى ساياساتىنىڭ ارقاسىندا ءبىز باسقا قالالاردىڭ ءجۇز جىلدا جەتكەن بەلەستەرىن 20 جىل ىشىندە باعىندىردىق. دامۋ تاجىريبەسى بار، ەندى بىزگە ساپالى ءوسۋ قاجەت. وسى ماقساتتا ءبىز ەكونوميكا، ءتۋريزمدى دامىتۋ، ءومىر ءسۇرۋ ءۇشىن قولايلى جاعداي جاساۋ تۇرعىسىنان شەبەرلىك جوسپارىن ازىرلەپ جاتىرمىز» ، - دەدى باقىت سۇلتانوۆ.
كەزدەسۋ اياسىندا باقىت سۇلتانوۆ ءوزارا ءىس- قيمىلدىڭ باعدارلامالىق قۇجاتىن جاساۋدى، ەكى ەلوردانىڭ ىنتىماقتاستىعىن تەرەڭدەتۋدى ۇسىندى.
ءوز كەزەگىندە تاللين ءمەرى ميحايل كىلۆارت قالا قازاقستان استاناسى عانا ەمەس، سونداي- اق ايماقتىڭ ەكونوميكالىق، ساياسي جانە مادەني ورتالىعىنا اينالۋى مۇمكىن ەكەندىگىن اتاپ ءوتتى.
«سوندىقتان دا ەكى قالا مەن ەكى استانانىڭ اراسىنداعى ىنتىماقتاستىققا باسا نازار اۋدارعىم كەلەدى» ، - دەدى ول.
قوس تاراپ الداعى ۋاقىتتا كولىك جانە قالالىق ينفراقۇرىلىمدى دامىتۋ، مەديتسينالىق تۋريزم جانە ءبىلىم بەرۋ سالاسىنداعى ىنتىماقتاستىقتى ارتتىرۋعا كەلىستى.