داريعا نازاربايەۆا دۇنيەجۇزىلىك ليۋتەران فەدەراتسياسىنىڭ باس حاتشىسىمەن كەزدەستى
داريعا نازاربايەۆا استانا فورۋمىنا تۇراقتى تۇردە قولداۋ كورسەتكەنى، اتاپ ايتقاندا، ءدىنارالىق سەز بەن ونىڭ جۇمىس ورگاندارىنىڭ جۇمىسىنا تۇراقتى قاتىسقانى ءۇشىن ليۋتەران فەدەراتسياسى وكىلدەرىنە العىسىن ءبىلدىردى.
سەنات باسشىسى باس حاتشىعا ەلىمىزدىڭ تۇڭعىش پرەزيدەنتى نۇرسۇلتان نازاربايەۆتىڭ كونفەسسياارالىق جانە وركەنيەتارالىق ءۇنقاتىسۋدى دامىتۋ ورتالىعى قۇرىلاتىنى تۋرالى حابارلادى. بۇل ورتالىق ءدىني كوشباسشىلاردىڭ استانا ءسامميتىنىڭ ماقساتتارى مەن مىندەتتەرىن حالىقارالىق ارەنادا ىلگەرىلەتۋ جانە فورۋمدى ينستيتۋتتاندىرۋ ىسىندەگى ماڭىزدى قۇرال بولادى. داريعا نازاربايەۆا ليۋتەراندارعا ورتالىقتىڭ جۇمىسىنا قوسىلۋدى ۇسىندى.
تاراپتار اعىمداعى جىلدىڭ قىركۇيەگىندە وتەتىن الەمدىك جانە ءداستۇرلى دىندەر ليدەرلەرى سەزى حاتشىلىعىنىڭ XVIII وتىرىسىنا دايىندىقتى تالقىلادى، وندا كەلەسى سەزدىڭ جانە ءدىني ليدەرلەر كەڭەسىنىڭ وتەتىن كۇنى مەن كۇن ءتارتىبى بەلگىلەنەدى.
دۇنيەجۇزىلىك ليۋتەران فەدەراتسياسىنىڭ باس حاتشىسى ءدىنارالىق ءۇنقاتىسۋدى ىلگەرىلەتۋ جونىندەگى ەرەكشە تۇعىرناما قۇرعانى ءۇشىن قازاقستانعا العىسىن جەتكىزىپ، استانا فورۋمىن ودان ءارى قولداۋ جونىندەگى نيەتىن ءبىلدىردى. ول سونداي- اق دۇنيەجۇزىلىك ليۋتەران فەدەراتسياسىنىڭ جۇمىسى مەن جوسپارلارى، اتاپ ايتقاندا بوسقىندارعا قولداۋ كورسەتۋ، بىرىككەن ۇلتتار ۇيىمىمەن ىنتىماقتاستىق تۋرالى حاباردار ەتتى.