ۇلت ارالىق ارازدىقتى قوزدىرعان الماتىلىق ازامات ءىستى بولدى
الماتى تۇرعىنى Instagram جەلىسى ارقىلى سانالى تۇردە ۇلتارالىق جانە ءدىني سيپاتتاعى الاۋىزدىق تۋدىراتىن ارەكەتتەرگە بارعان.
«ول وتكەن جىلدىڭ كۇزىندە Instagram جەلىسىندە ازاماتشا ديلناز احماديەۆانىڭ (بەلگىلى ءانشى) پاراقشاسىندا ءوز لوگينىمەن ورەسكەل پىكىرلەر قالدىرعان. وسىلايشا، بۇعان دەيىن دە قاراقشىلىق بويىنشا سوتتى بولعان جىگىت الەۋمەتتىك جەلى ارقىلى ۇلتتىق جانە ءدىني سيپاتتاعى الاۋىزدىق تۋدىرعان. كەلىپ تۇسكەن ارىزدار بويىنشا پوليتسيا ق ر ق ك- ءنىڭ 174-بابى بويىنشا سوتقا دەيىنگى تەرگەۋ شارالارىن جۇرگىزدى. جەدەل- ىزدەستىرۋ شارالارى بارىسىندا الاۋىزدىقتى ناسيحاتتاۋشىنىڭ كىم ەكەنى انىقتالدى. سوت ساراپتاماسى جاۋاپكەردىڭ جەلىدە قالدىرعان پىكىرلەرىندە ۇلتتاردىڭ ار- نامىسىنا تيەتىن سوزدەر بولعانىن راستادى. ول ءوز كىناسىن مويىنداپ، كەشىرىم سۇرادى» - دەلىنگەن دەپارتامەنتتىڭ Facebook جەلىسىندەگى رەسمي پاراقشاسىندا.
پوليتسيا الەۋمەتتىك جەلى قولدانۋشىلارىن وزگەلەردىڭ جەكە باسىنا ءتىل تيگىزىپ، ۇلتى مەن ءدىني سەنىمىن قورلاۋدان ساق بولۋعا شاقىرادى. سەبەبى ول ءۇشىن قىلمىستىق جاۋاپكەرشىلىك قاراستىرىلعان.
اۆتور: ەسىمجان ناقتىباي