سولتۇستىك قازاقستانعا كوشىپ كەلۋشىلەر كوبەيدى
س ق و ستاتيستيكا دەپارتامەنتىنىڭ مالىمەتىنشە، ءوڭىردىڭ حالىق سانى كوشى- قون ەسەبىنەن 1319 ادامعا ازايدى. ءۇش ايدا وبلىسقا شەتەلدەن جانە رەسپۋبليكانىڭ باسقا وڭىرلەرىنەن تۇراقتى تۇرۋعا 1465 ادام كوشىپ كەلدى، بۇل 2018 -جىلعى قاڭتار- ناۋرىزعا قاراعاندا % 7,4- عا ارتىق. وبلىستان كوشىپ كەتكەندەر سانى - 2784 ادام. بۇل -% 19,8 ارتىق. 688 ادام شەت ەلدەرگە قونىس اۋدارسا، قازاقستاننىڭ باسقا وڭىرلەرىنە 631 ادام كوشىپ وتىر.
سىرتقا كەتەتىندەر نەگىزىنەن ت م د مەملەكەتتەرىن تاڭدايدى ەكەن. ونىڭ ىشىندە % 99,6- ى رەسەي فەدەراتسياسىنا قونىس اۋدارعان.
سونداي- اق، وبلىسقا ت م د ەلدەرىنەن كەلگەندەردىڭ اراسىندا ەڭ ۇلكەن ۇلەس وسى كورشى مەملەكەتكە تيەسىلى - بارلىق كەلگەندەردىڭ % 78- ىن قۇرايدى. جالپى يمميگرانتتاردىڭ % 85,7- ى ت م د ەلدەرىنەن كەلگەن.
ستاتيستيكا ماماندارىنىڭ ەسەبىنشە، الەمنىڭ باسقا ەلدەرىنە وبلىستىڭ 88 تۇرعىنى قونىس اۋداردى، وبلىسقا تۇراقتى تۇرۋعا 22 ادام كەلدى. ءوڭىر تۇرعىندارى نەگىزىنەن - % 95,6- ى پولشا جانە گەرمانياعا كوشەدى ەكەن. كوشىپ كەلگەندەر اراسىندا قىتاي جانە گەرمانيا تۇرعىندارى باسىم، شامامەن % 95 قۇراپ وتىر.
ءوڭىرارالىق كوشى- قون بويىنشا كەلگەندەر سانى 2018 -جىلعى قاڭتار- ناۋرىز ايلارىمەن سالىستىرعاندا % 8,3 كوبەيگەن - 1311 ادامدى قۇرادى. ال كەتكەندەر سانى - 1942 ادام. ميگرانتتاردىڭ % 41- ى اقمولا وبلىسىنان، 23,8 پايىزى نۇر- سۇلتان قالاسىنان كەلدى. كەتكەندەردىڭ دە ەڭ ۇلكەن ۇلەسى وسى وڭىرلەرگە تيەسىلى.
اۆتور: اقەركە داۋرەنبەك قىزى