قازاقستان نيۋ-يوركتە تۇراقتى دامۋ ماقساتتارىنا قاتىسى ەسەبىن تانىستىرادى - مامين

None
None
نۇر-سۇلتان. قازاقپارات - ХІІ استانا ەكونوميكالىق فورۋمى اياسىندا تۇراقتى دامۋ ماقساتتارى جونىندەگى ءبىرىنشى قازاقستاندىق فورۋم ءوتىپ جاتىر، دەپ حابارلايدى قازاقپارات ءتىلشىسى.

«قازاقستان اۋماعىندا تۇراقتى دامۋ ماقساتتارىنا ارنالعان فورۋم العاش رەت ءوتىپ وتىر. ب ۇ ۇ مۇشەلەرىمەن ءبىلىم جانە يدەيا الماسۋ استانا ەكونوميكالىق فورۋمىنىڭ تۇراقتى بولىگىنە اينالارىنا ۇمىتتەنەمىن. وسى مۇمكىنشىلىكتى پايدالانىپ، ب ۇ ۇ باس حاتشىسىنىڭ ورىنباسارى ارميدا سالسيا اليشاحبانا حانىمعا بارلىعىمىز ءۇشىن دە تۇراقتى ءارى ساپالى بولاشاق قۇرۋعا باعىتتالعان كۇش-جىگەرى ءۇشىن ريزاشىلىعىمدى بىلدىرەمىن»، - دەدى شارانىڭ اشىلۋىندا ق ر پرەمەر-ءمينيسترى اسقار مامين.

وسى رەتتە اسقار مامين ق ر ۇكىمەتى الەمدەگى ەكولوگيا ساپاسى، تەڭدىگى ماسەلەلەرىندە ب ۇ ۇ- عا تولىقتاي قولداۋ كورسەتەتىنىن ايتتى. قازاقستاننىڭ الەمنىڭ ەڭ دامىعان 30 ەلىنىڭ قاتارىنا كىرۋ جولىندا ادامي دامۋ جونىندەگى ەسەپتە ايتارلىقتاي جەتىستىككە جەتكەنىن اتاپ ءوتتى. بۇگىندە ەلىمىز 198 ەلدىڭ ىشىندە 58-ورىنعا تۇراقتاعانىنا نازار اۋدارتتى.

سونىمەن قاتار ق ر پرەمەر-ءمينيسترى قازاقستان مەن ورتالىق ازيادا جاسىل ينۆەستيتسيا جانە ونى جۇزەگە اسىرۋ ءۇشىن مۇمكىنشىلىكتەر جاساپ، تەحنولوگيالىق شەشىمدەردى دامىتۋ ينۆەستيتسيالىق جوبالارعا ارنالعان نەگىز ەكەنىن ايتتى.

«قازاقستان الەمنىڭ جاھاندىق يندەكسىندە 17-ورىنعا تۇراقتادى. تۇراقتى دامۋ ماقساتتارىنىڭ جانە ولارعا قاتىستى باستامالاردىڭ باسىم بولىگى ءبىزدىڭ ستراتەگيالىق قۇجاتتارىمىزبەن بارىنشا ىقپالداستىرىلعان. ۇكىمەت ب ۇ ۇ- نىڭ تۇراقتى دامۋ ماقساتتارى اياسىنداعى باستامالارىنا دا جان-جاقتى قولداۋ كورسەتەدى. تۇراقتى دامۋ ماقساتتارىن ەنگىزۋدىڭ العاشقى ايلارىنىڭ ءبىرىنشى ەرىكتى ەسەبىن نيۋ-يوركتە ساياسي دەڭگەيدە ۇسىنباقپىز»، - دەدى ا. مامين.

سوڭعى جاڭالىقتار