+7 (701) 759 90 19
-2 °С : نۇر-سۇلتان
2 °С : الماتى
USD 389.86 EUR 435.32
RUB 6.12 CNY 55.12
جاڭالىقتار

قازاقتىڭ ەڭ مىقتى سۇرمەرگەنى الەم كۋبوگىنا جالعىز اتتاندى

17 مامىر 10:13
:ءبولىسۋ
قازاقتىڭ ەڭ مىقتى سۇرمەرگەنى الەم كۋبوگىنا جالعىز اتتاندى

نۇر-سۇلتان. قازاقپارات - جامبى اتۋدان قازاقستان قۇراما كومانداسىنىڭ بەلدى مۇشەسى، ەلىمىزدەگى ۇزدىك سۇرمەرگەننىڭ ءبىرى ەلدوس باداشيەۆ ماجارستاندا وتەتىن الەم كۋبوگىندا ەل نامىسىن ءبىر ءوزى قورعاماق، دەپ حابارلايدى قازاقپارات ءتىلشىسى.

ق ر ۇلتتىق سپورت قاۋىمداستىعىنان ءمالىم ەتكەندەي، بۇگىن ماجارستاننىڭ پوماز قالاسىندا ۇيىمداستىرىلعان الەمدىك جارىستىڭ العاشقى باسەكەسى باستالدى. دۇنيەجۇزىنىڭ تاڭداۋلى مەرگەندەرى ءۇش كەزەڭ بويىنشا باق سىنايدى. العاشقى كەزەڭى پوماز قالاسىندا باستالسا، ەكىنشى كەزەڭى ماۋسىم ايىندا فرانسيادا جالعاسادى. ال قىركۇيەك ايىندا پولشادا وتەتىن ءۇشىنشى كەزەڭدە وسى الەم كۋبوگىنىڭ گران-پري جۇلدەسى ساراپقا سالىنادى. پومازداعى باسەكەدە الەم مەرگەندەرى «ۆەنگر ءستيلى» مەن «پولشا ءستيلى» بويىنشا جارىسادى.

مىنە، وسىنداي ايتۋلى دوداعا قاتىسۋعا بەل بۋعان ەلدوس مەرگەننىڭ حالىقارالىق جارىسقا اتتانۋى العاش ەمەس. ول بۇعان دەيىن تۇركيا مەن يوردانيادا وتكەن دۇنيەجۇزىلىك فەستيۆالدارعا بىرنەشە مارتە قاتىستى. بىلتىر وڭتۇستىك كورەيادا ات ۇستىنەن ساداق اتۋدان وتكەن الەم چەمپيوناتىندا جەڭىمپاز اتاندى.


Қазақтың ең мықты сұрмергені әлем кубогына жалÒ

ەلدوس باداشيەۆتىڭ ەلىشىلىك جارىستارداعى جەتىستىكتەرى ءتىپتى قوماقتى. جامبى اتۋمەن 2014-جىلدان باستاپ اينالىسقان ول 2015-جىلى «قازاقستان رەسپۋبليكاسىنىڭ سپورت شەبەرى» اتاندى. 2015-جىلى جامبى اتۋدان قازاقستان چەمپيوناتىنىڭ كۇمىس جۇلدەگەرى، 2016-جىلى «ۇلى دالا ويىندارىنىڭ» جانە «استانا جۇلدىزدارى» رەسپۋبليكالىق تۋرنيردىڭ جەڭىمپازى بولدى. 2017-جىلى «اق ءبيداي» اۋىل سپورتى ويىندارىنىڭ كۇمىس جۇلدەسىن يەلەندى.

2016-جىلدان جامبىل وبلىسى اكىمدىگىنىڭ دەنە شىنىقتىرۋ جانە سپورت باسقارماسى «ۇلتتىق سپورت تۇرلەرىنەن «اۋليە-اتا» كاسىپقوي كلۋبى» كوممۋنالدىق مەملەكەتتىك مەكەمەسىندە جامبى اتۋ سپورتىنان جاتتىقتىرۋشى قىزمەتىن اتقاردى.

ەلدوستىڭ شاكىرت تاربيەلەۋدە دە جولى بولدى. ونىڭ شاكىرتى ابزال تۋلىبەكوۆ ەل چەمپيوناتتارىنىڭ بىرنەشە دۇركىن جۇلدەگەرى، الەم چەمپيونى اتاندى. ال تاعى ءبىر شاكىرتى باقداۋلەت باباجان جاستار اراسىندا ەل چەمپيوناتىنىڭ كۇمىس جۇلدەگەرى جانە 2019-جىلى وتكەن جاستار اراسىنداعى 1- ازيا چەمپيوناتىنىڭ چەمپيونى اتاعىن جەڭىپ الدى. سەرىكبولسىن جالعاس ۇلى جاس وسپىرىمدەر اراسىندا قازاقستان چەمپيونى.

ماجارستاندا ۇيىمداستىرىلعان الەم كۋبوگى 19- مامىر كۇنى اياقتالادى.

اۆتور: كۇنسۇلتان وتارباي


باستى سوزدەر: سپورت,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات