ەل باسشىلىعى سيرياعا كەتكەن قازاقستاندىقتاردىڭ بارلىعىن قايتارىپ الۋعا نيەتتى - داۋرەن ابايەۆ
«شىنىندا دا ءبىزدىڭ وتانداستارىمىزدى سيريادان الىپ كەلۋ بويىنشا ەكىنشى وپەراتسيا وتە ءساتتى اياقتالدى. وسى جولى قۇتقارىلعانداردىڭ سانى بەس ەسە ارتىق بولدى. ولاردىڭ ىشىندە بالالار كوپ. ءبىرىنشى وپەراتسيا سەكىلدى «جۋسان-2» مەملەكەت باسشىلىعىنىڭ تىكەلەي جەتەكشىلىگىمەن وتكىزىلىپ، وعان ۇلتتىق قاۋىپسىزدىك كوميتەتىنىڭ، سىرتقى ىستەر مينيسترلىگىنىڭ ۇزدىك ارنايى قىزمەتتەرى جۇمىلدىرىلدى. قازىرگى تاڭدا بارلىق كەلگەن ازاماتتارعا مەديتسينالىق، پسيحولوگيالىق، قۇقىقتىق جانە الەۋمەتتىك كومەك كورسەتىلۋدە. سونىمەن بىرگە، ءبىزدىڭ ازاماتتارى وڭالتۋ باعىتىندا ۇلكەن جۇمىستار كۇتىپ تۇرعانىن اتاپ ءوتۋ كەرەك»، - دەيدى داۋرەن ابايەۆ حابار ارناسىنداعى «اشىق ديالوگ» باعدارلاماسىندا.
ءمينيستردىڭ ايتۋىنشا، بۇگىنگى تاڭدا مينيسترلىك اكىمدىكپەن بىرلەسە وتىرىپ، زارداپ شەككەندەرمەن جۇمىس ىستەۋ ءۇشىن ۇزدىك تەولوگتار مەن پسيحولوگتاردى ىسكە جۇمىلدىرعان.
«ءبىزدىڭ مىندەتىمىز - قىسقا ۋاقىتتىڭ ىشىندە ورالعان ازاماتتاردى تىنىش ءارى بەيبىت ومىرگە بەيىمدەۋ. ءتۇسىندىرۋ جانە وڭالتۋ جۇمىستارى ءبىر اپتادان از ۋاقىت بۇرىن عانا باستالعانىنا قاراماستان، بەلگىلى ءبىر جەمىستى ناتيجەلەر بار. ماسەلەن، ول جاقتان كەلگەن ايەلدەردىڭ ءبىرى العاشقى كۇندەرى فوتوعا تۇسۋدەن ءۇزىلدى- كەسىلدى باس تارتىپ، قۇجاتتاۋدان وتۋگە كەلىسپەگەن ەدى. ءبىراق، ماماندار ونىڭ ءتىلىن تاۋىپ، قازىرگى تاڭدا ول ايەل تولىققاندى وڭالتۋ كۋرسىنان وتۋدە»، - دەيدى داۋرەن ابايەۆ.
مينيستر سونىمەن قاتار، مۇنداي وپەراتسيالار تاعى دا قولعا الىنا ما دەگەن سۇراققا جاۋاپ بەردى.
«مەنىڭ ول تۋرالى جىلىكتەپ ايتۋعا قاقىم جوق. ءبىراق، ەل باسشىلىعى بارلىق قازاقستاندىقتاردى قايتارىپ الۋعا بەل بۋىپ وتىر. ءوزىڭىز بىلەتىندەي، الەمدە قازىرگى تاڭدا سيريادان كەلگەندەردى ازاماتتىقتان ايىرۋ دۇرىس پا، بۇرىس پا دەگەن تاقىرىپتا پىكىرتالاستار قىزىپ تۇر. ۇلى بريتانيادان 4 جىل بۇرىن سيرياعا كەتىپ قالعان ايەلدىڭ ءومىرى جايلى ەستىگەن بولارسىزدار. ال قازىر ول قايتىپ كەلگىسى كەلەدى. ءبىراق، ول ايەلدى قايتا ەلگە كىرگىزۋ كەرەك پە، جوق پا دەگەن سۇراق ۇلى بريتانيا قوعامىن ەكىگە ءبولىپ جىبەردى. ءبىزدىڭ جاعدايدا كىم نە دەسە دە، ولار - ءبىزدىڭ ادامدار. ولار وسى جەردە تۋعان. وسى ەلدە ولاردىڭ تۋعان- تۋىستارى تۇرادى. ەشكىم قاتەلىك جاسامايمىن دەپ ايتا الماسا كەرەك. قازاقتا «ەگىلمەگەن جەر جەتىم، ەرىنەن ايىرىلعان ەل جەتىم»، - دەپ تۇيىندەدى ءسوزىن داۋرەن ابايەۆ.
بۇدان بۇرىن حابارلانعانداي، جاقىندا سيريادان 231 قازاقستان ازاماتىنىڭ ەلگە جەتكىزىلۋىنە بايلانىستى ق ر پرەزيدەنتى قاسىم- جومارت توقايەۆ مالىمدەمە جاسادى.
مەنىڭ تاپسىرمام بويىنشا 7 جانە 9 - مامىر كۇندەرى سيريادان 231 قازاقستان ازاماتى ەلگە جەتكىزىلدى، ونىڭ 156-سى - بالالار، دەنى مەكتەپ جاسىنا دەيىنگىلەر، سونىڭ ىشىندە 18- ءى - جەتىم بالالار. بۇل اۋقىمدى گۋمانيتارلىق اكسيا - تۇڭعىش پرەزيدەنت - ەلباسى نۇرسۇلتان نازاربايەۆتىڭ تاپسىرماسىمەن بيىل قاڭتار ايىندا جۇرگىزىلگەن «جۋسان» وپەراتسياسىنىڭ جالعاسى»، - دەلىنگەن مەملەكەت باسشىسىنىڭ مالىمدەمەسىندە.
بەلگىلى بولعانداي، قازاقستانعا كەلگەننەن كەيىن 16 ەر ادام مەن 4 ايەل د ا ي ش جاعىندا تەرروريستىك ءىس- ارەكەتكە قاتىسى بار دەگەن كۇدىكپەن تۇتقىنعا الىندى.
اۆتور: ايان بەكەن ۇلى