باتىر جۇكەمبايەۆ پەن «كوتتو» سالماق ولشەۋ راسىمىنەن ءوتتى

نۇر-سۇلتان. قازاقپارات - قازاقستاندىق بوكسشى باتىر جۇكەمبايەۆ مەكسيكالىق لۋيس حەسۋس ۆيدالەسپەن (13-6, 6 ك و) جەكپە-جەگى الدىندا سالماق ولشەۋ راسىمىنەن ءوتتى.

بۇل تۋرالى ۆكونتاكتە الەۋمەتتىك جەلىسىندەگى «قازاقستاننىڭ كاسىپقوي بوكسى» پاراقشاسىندا حابارلاندى.

جۇكەمبايەۆ Instagram دا ۆيدەو جۇكتەپ: «سالماق ورىندالدى» دەپ جازدى. سونداي-اق ول قارسىلاسىمەن وتكەن كوز ارباسۋ راسىمىنەن ۆيدەونى ۇسىندى.

باتىر جۇكەمبايەۆتىڭ كەلەسى قارسىلاسى انىقتالعانىن بۇعان دەيىن حابارلاعان بولاتىنبىز. جارتىلاي ورتا سالماقتاعى 10 راۋندتىق جەكپە-جەك كانادانىڭ مونرەال قالاسىنداعى Montreal Casino ويىن-ساۋىق كەشەنىندە وتەدى. «كوتتو» لاقاپ اتىمەن بەلگىلى مەكسيكالىق لۋيس حەسۋس ۆيدالەس 30 جاستا. ول 2011-جىلدان بەرى كاسىپقوي بوكستا. ءبىر كەزدەسۋدەن باسقاسىنىڭ ءبارىن مەكسيكادا وتكىزگەن. جۇكەمبايەۆ سوڭعى ايقاسىن ءدال وسى مونرەال قالاسىندا وتكىزىپ، مەكسيكالىق حيلبەرتو مەسانى (10-5-1، 6 ك و) تورەشىلەردىڭ ءبىراۋىزدى شەشىمىمەن جەڭگەن ەدى.

جەكپە-جەكتى «حابار» ارناسى تىكەلەي ەفيردەن كورسەتەدى. باستالۋى - نۇر-سۇلتان قالاسىنىڭ ۋاقىتىمەن 18- مامىر، ساعات 07:00.