+7 (701) 759 90 19
7 °С : نۇر-سۇلتان
9 °С : الماتى
USD 389.62 EUR 429.98
RUB 6.06 CNY 55.08
جاڭالىقتار

قازگيدرومەت: قازاقستاننىڭ باسىم بولىگىندە جەل كۇشەيىپ، جاۋىن جاۋادى

17 مامىر 07:07
:ءبولىسۋ
قازگيدرومەت: قازاقستاننىڭ باسىم بولىگىندە جەل كۇشەيىپ، جاۋىن جاۋادى

نۇر-سۇلتان. قازاقپارات - مامىردىڭ 17 ءسى كۇنى قازاقستان اۋماعىنان اتموسفەرالىق اعىمداردىڭ وتۋىنە بايلانىستى كەي جەرلەردە جاۋىن جاۋادى، دەپ حابارلايدى قازاقپارات «قازگيدرومەت» ر م ك- نا سىلتەمە جاساپ.

كاسىپورىن مالىمەتتەرىنە قاراعاندا، ەلدىڭ وڭتۇستىك شىعىسىنا، ورتالىقتا جانە شىعىستا اۋا رايى جاۋىن-شاشىنسىز بولادى. دەگەنمەن رەسپۋبليكانىڭ كەي جەرلەرىندە جەل كۇشەيىپ، نايزاعاي جارقىراپ، تۇمان ءتۇسۋى، بۇرشاق جاۋۋى ىقتيمال. وڭتۇستىكتىڭ كەي جەرلەرىندە شاڭدى داۋىل كوتەرىلىپ، سولتۇستىكتە - داۋىل سوعادى.

قوستاناي وبلىسىنىڭ كەي جەرلەرىندە تۇمان ءتۇسۋى ىقتيمال. تۇندە رەسپۋبليكانىڭ كەي جەرلەرىندە، كۇندىز باسىم بولىگىندە جەلدىڭ جىلدامدىعى سەكۋندىنا 15-20 مەترگە دەيىن كۇشەيەدى.

كۇندىز سولتۇستىك قازاقستان وبلىسىنىڭ ءبىرقاتار ايماقتارىندا جەل كۇشەيەدى، باسىم بولىگىندە جەلدىڭ جىلدامدىعى سەكۋندىنا 15-20 مەترگە جەتىپ، كەي جەرلەرىندە ەكپىنى 23-28 م/س- قا دەيىن كۇشەيەدى. كەي جەرلەردە بۇرشاق جاۋۋى مۇمكىن.

قىزىلوردا وبلىسىنىڭ ايماقتارىندا شاڭدى داۋىل كوتەرىلەدى، جەلدىڭ جىلدامدىعى سەكۋندىنا 15-20 مەترگە جەتىپ، ەكپىنى 23-28 م/س بولادى. بۇرشاق جاۋۋى مۇمكىن.

جامبىل وبلىسىندپ جەل سەكۋندىنا 15-20 مەتر جىلدامدىقپەن ۇيتقيدى، تاڭەرتەڭ جانە كۇندىز ەكپىنى 23 م/س- كە دەيىن كۇشەيەدى.

باتىس قازاقستان وبلىسىنىڭ كەي جەرلەرىندە جەل 15-20 م/س كۇشەيۋى كۇتىلەدى، بۇرشاق جاۋۋى مۇمكىن.

اتىراۋ وبلىسىنىڭ ءبىرقاتار اۋماقتارىندا تۇندە جانە تاڭەرتەڭ تۇمان ءتۇسىپ، كۇندىز جەلدىڭ جىلدامدىعى سەكۋندىنا 15-20 مەترگە دەيىن كۇشەيەدى.

الماتى، تۇركىستان، كۇندىز اقمولا وبلىستارىنىڭ كەي جەرلەرىندە جەل 15-20 م/س جىلدامدىقپەن ۇيتقيدى.

ماڭعىستاۋ، تۇندە پاۆلودار، تۇندە جانە تاڭەرتەڭ شىعىس قازاقستان وبلىستارىندا تۇمان تۇسەدى.

پاۆلودار، قاراعاندا، شىعىس قازاقستان وبلىستارىندا 1-8 گرادۋس ارالىعىندا ۇسىك جۇرەدى.

اقمولا، الماتى وبلىستارىنىڭ كەي جەرلەرىندە ۇسىك -3 گرادۋسقا دەيىن ساقتالادى.

قىزىلوردا وبلىسىندا ءورت قاۋىپى وتە جوعارى دەڭگەيدە بولادى.


باستى سوزدەر: قوعام,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات